Kaleshwaram Project: కాళేశ్వరంపై పీసీ ఘోష్ కమిషన్ నివేదిక... అధ్యయనానికి కమిటీ ఏర్పాటు

తెలంగాణలోని కాళేశ్వరం లిఫ్ట్ ఇరిగేషన్ ప్రాజెక్టు నిర్మాణంలో అవకతవకలు జరిగాయన్న ఆరోపణలపై సుప్రీంకోర్టు రిటైర్డ్ న్యాయమూర్తి పీసీ ఘోష్ కమిషన్ సమర్పించిన నివేదికపై తదుపరి చర్యలు తీసుకోవడానికి ప్రభుత్వం సిద్ధమవుతోంది. ఈ నివేదికను సమగ్రంగా అధ్యయనం చేసి, సారాంశాన్ని సిద్ధం చేయడానికి ప్రభుత్వం శుక్రవారం ఒక కమిటీని ఏర్పాటు చేసింది.

ఈ కమిటీలో నీటిపారుదల శాఖ, న్యాయ శాఖ, సాధారణ పరిపాలన శాఖ కార్యదర్శులు సభ్యులుగా ఉన్నారు. ఈ కమిటీ ఆగస్టు 4న రాష్ట్ర మంత్రిమండలికి తన నివేదికను సమర్పించనుంది. ఆ తర్వాత క్యాబినెట్ సమావేశంలో ఈ నివేదికలోని సిఫార్సులు, అంశాలపై చర్చించి, తదుపరి చర్యలపై నిర్ణయం తీసుకోనున్నారు.

సుమారు 700 పేజీల నివేదికను పీసీ ఘోష్ కమిషన్ గురువారం నీటిపారుదల శాఖ కార్యదర్శి రాహుల్ బొజ్జాకు అందజేసింది. అనంతరం శుక్రవారం ఈ నివేదికను ముఖ్యమంత్రి రేవంత్ రెడ్డికి అందజేశారు. ఈ సందర్భంగా ఉప ముఖ్యమంత్రి మల్లు భట్టి విక్రమార్క, నీటిపారుదల శాఖ మంత్రి ఎన్. ఉత్తమ్ కుమార్ రెడ్డి, రెవెన్యూ మంత్రి పొంగులేటి శ్రీనివాస్ రెడ్డితో ముఖ్యమంత్రి చర్చించారు.

గత బీఆర్ఎస్ ప్రభుత్వ హయాంలో కాళేశ్వరం ప్రాజెక్టు నిర్మాణంలో జరిగిన అవకతవకలను ఈ నివేదిక ప్రస్తావించినట్లు సమాచారం. ఈ నివేదిక ఆధారంగా దోషులుగా తేలిన వారిపై క్రిమినల్ చర్యలు తీసుకోవాలా లేదా అనే దానిపై మంత్రివర్గ సమావేశంలో చర్చ జరగనుంది. అలాగే, తప్పు చేసిన అధికారులపై శాఖాపరమైన చర్యలు తీసుకోవాలని కూడా ప్రభుత్వం యోచిస్తున్నట్లు తెలుస్తోం