West Godavari Woman Assault: మహిళను చెట్టుకు కట్టేసి దాడి... పశ్చిమగోదావరి జిల్లాలో దారుణం

పశ్చిమ గోదావరి జిల్లా పాలకోడేరు మండలంలోని మోగల్లులో దారుణ ఘటన చోటుచేసుకుంది. తన భర్తతో అక్రమ సంబంధం పెట్టుకుందని ఆరోపిస్తూ ఆయన భార్య, భార్య బంధువులు ఓ మహిళను చెట్టుకు కట్టేసి చితకబాదారు. నిన్న రాత్రి నుంచి ఆమెను చిత్రహింసలకు గురి చేశారు. 

ఈ దాడి ఘటన సామాజిక మాధ్యమాల్లో వైరల్ అవుతోంది. ఈ ఘటన గురించి తెలుసుకున్న పోలీసులు అక్కడకు చేరుకున్నారు. బాధితురాలిని భీమవరం ప్రభుత్వ ఆసుపత్రికి తరలించి చికిత్స అందిస్తున్నారు. మహిళపై దాడి చేసిన వారిని అదుపులోకి తీసుకున్నారు. ఘటనపై కేసు నమోదు చేసి దర్యాప్తు చేస్తున్నామని ఎస్సై రవివర్మ తెలిపారు.