Kubera: ఓటీటీ స్ట్రీమింగ్ కు సిద్ధమైన 'కుబేర'

ధనుష్, నాగార్జున, రష్మిక మందన్నా ప్రధాన పాత్రల్లో శేఖర్ కమ్ముల దర్శకత్వంలో రూపొందిన సినిమా కుబేర. ఈ చిత్రం జూన్ 20న ప్రేక్షకుల ముందుకు వచ్చింది. ఈ క్రైమ్ డ్రామా చిత్రానికి విమర్శకుల ప్రశంసలు లభించాయి. కలెక్షన్ల పరంగానూ ఫర్వాలేదనిపించింది. ఇప్పుడీ చిత్రం ఓటీటీలో స్ట్రీమింగ్‌కు సిద్ధంగా ఉంది. కుబేర చిత్రం జులై 18 నుంచి అమెజాన్ ప్రైమ్ వీడియో ఓటీటీ వేదికగా స్ట్రీమింగ్ కానుంది. ఈ మేరకు అమెజాన్ ప్రైమ్ వీడియో ఓ ప్రకటన చేసింది. 

కుబేర చిత్రంలో ముఖ్యంగా ధనుష్ నటన వావ్ అనిపించేలా సాగింది. నాగార్జున డిఫరెంట్ షేడ్స్ ఉన్న పాత్ర పోషించడం, శేఖర్ కమ్ముల టేకింగ్, దేవి శ్రీ ప్రసాద్ సంగీతం ఈ చిత్రాన్ని మరో లెవల్ కు చేర్చాయి. తన కెరీర్ లో ఇప్పటివరకు బెస్ట్  ఏదంటే కుబేర చిత్రం అనే చెబుతానని శేఖర్ కమ్ముల ఇటీవల వెల్లడించారు.