Shweta Khan: అశ్లీల చిత్రాల్లో నటించాలంటూ యువతికి చిత్రహింసలు
- పశ్చిమ బెంగాల్లో వెలుగు చూసిన దారుణ ఘటన
- ఉద్యోగం పేరుతో యువతిని మోసం చేసిన తల్లీకొడుకులు
- అశ్లీల చిత్రాల్లో నటించాలంటూ తీవ్ర ఒత్తిడి, చిత్రహింసలు
- ఆరు నెలల పాటు ఫ్లాట్లో బంధించి దాడి
- ప్రాణాలతో బయటపడి పోలీసులను ఆశ్రయించిన బాధితురాలు
- నిందితులు పరారీ, కొనసాగుతున్న పోలీసుల గాలింపు
పశ్చిమ బెంగాల్లో సభ్యసమాజం తలదించుకునే దారుణ ఘటన వెలుగులోకి వచ్చింది. ఉద్యోగం ఇప్పిస్తామని నమ్మించి ఓ యువతిని అశ్లీల చిత్రాల్లో నటించాలని, బార్ డ్యాన్సర్గా పనిచేయాలని బలవంతం చేశారు కొందరు దుండగులు. అందుకు ఆమె నిరాకరించడంతో ఏకంగా ఆరు నెలల పాటు ఓ ఫ్లాట్లో బంధించి చిత్రహింసలకు గురిచేశారు. బాధితురాలు వారి చెర నుంచి చాకచక్యంగా తప్పించుకుని పోలీసులను ఆశ్రయించడంతో ఈ దారుణం బయటపడింది. ప్రస్తుతం ఆమె పరిస్థితి విషమంగా ఉన్నట్లు సమాచారం.
పోలీసులు వెల్లడించిన వివరాల ప్రకారం, పశ్చిమ బెంగాల్కు చెందిన శ్వేతా ఖాన్, ఆమె కుమారుడు ఆర్యన్ ఖాన్ ఈ దారుణానికి ఒడిగట్టారు. వీరు ఈవెంట్ మేనేజ్మెంట్ ఏజెన్సీ పేరుతో ఓ ముఠాను నడుపుతున్నారు. దీని ముసుగులో అశ్లీల వీడియోల రాకెట్తో పాటు ఓ ఫిల్మ్ ప్రొడక్షన్ హౌస్ను కూడా నిర్వహిస్తున్నట్లు తెలుస్తోంది. నిరుద్యోగ యువతులకు అధిక జీతం ఆశ చూపి, ఉద్యోగం పేరుతో వారిని నమ్మించి ఈ ఊబిలోకి దించుతున్నారు.
సుమారు ఆరు నెలల క్రితం, 24 ఉత్తర పరగణా జిల్లాకు చెందిన ఓ యువతి ఉద్యోగం కోసం ఫేస్బుక్ ద్వారా ఆర్యన్ ఖాన్ను సంప్రదించింది. హౌరాలోని తమ ఇంటికి వస్తే ఉద్యోగం ఇప్పిస్తానని ఆర్యన్ నమ్మబలకడంతో, బాధితురాలు ఉద్యోగం విషయం మాట్లాడేందుకు వారి నివాసానికి వెళ్లింది. అక్కడ ఆర్యన్, అతని తల్లి శ్వేతా ఖాన్ కలిసి ఆ యువతిని బార్ డ్యాన్సర్గా పనిచేయాలని, అశ్లీల చిత్రాల్లో నటించాలని ఒత్తిడి చేశారు.
అందుకు బాధితురాలు ససేమిరా అనడంతో, ఆమెపై దాడి చేసి, మొబైల్ ఫోన్ లాక్కుని ఓ ఫ్లాట్లో బంధించారు. ఆరు నెలల పాటు ఆమెను చిత్రహింసలకు గురిచేశారని బాధితురాలు పోలీసులకు ఇచ్చిన ఫిర్యాదులో పేర్కొంది. ఇనుప రాడ్లతో దారుణంగా కొట్టారని, నాలుగు రోజులకు ఒకసారి మాత్రమే భోజనం పెట్టేవారని ఆమె వాపోయింది. చిత్రహింసలు భరించలేక, ప్రాణాపాయ స్థితిలో ఉన్న ఆమె ఎలాగోలా వారి నుంచి తప్పించుకుని పోలీసులను ఆశ్రయించింది.
బాధితురాలి పరిస్థితి ఆందోళనకరంగా ఉండటంతో, ఆమెకు ఆసుపత్రిలో చికిత్స అందిస్తున్నామని పోలీసులు తెలిపారు. నిందితులైన శ్వేతా ఖాన్, ఆర్యన్ ఖాన్ పరారీలో ఉన్నారని, వారి ఆచూకీ కోసం ముమ్మరంగా గాలిస్తున్నామని వెల్లడించారు. ప్రాథమిక దర్యాప్తులో వీరు సెక్స్ రాకెట్ కూడా నడుపుతున్నట్లు ఆధారాలు లభించాయని పోలీసులు పేర్కొన్నారు. ఈ ఘటన స్థానికంగా తీవ్ర కలకలం రేపింది.
పోలీసులు వెల్లడించిన వివరాల ప్రకారం, పశ్చిమ బెంగాల్కు చెందిన శ్వేతా ఖాన్, ఆమె కుమారుడు ఆర్యన్ ఖాన్ ఈ దారుణానికి ఒడిగట్టారు. వీరు ఈవెంట్ మేనేజ్మెంట్ ఏజెన్సీ పేరుతో ఓ ముఠాను నడుపుతున్నారు. దీని ముసుగులో అశ్లీల వీడియోల రాకెట్తో పాటు ఓ ఫిల్మ్ ప్రొడక్షన్ హౌస్ను కూడా నిర్వహిస్తున్నట్లు తెలుస్తోంది. నిరుద్యోగ యువతులకు అధిక జీతం ఆశ చూపి, ఉద్యోగం పేరుతో వారిని నమ్మించి ఈ ఊబిలోకి దించుతున్నారు.
సుమారు ఆరు నెలల క్రితం, 24 ఉత్తర పరగణా జిల్లాకు చెందిన ఓ యువతి ఉద్యోగం కోసం ఫేస్బుక్ ద్వారా ఆర్యన్ ఖాన్ను సంప్రదించింది. హౌరాలోని తమ ఇంటికి వస్తే ఉద్యోగం ఇప్పిస్తానని ఆర్యన్ నమ్మబలకడంతో, బాధితురాలు ఉద్యోగం విషయం మాట్లాడేందుకు వారి నివాసానికి వెళ్లింది. అక్కడ ఆర్యన్, అతని తల్లి శ్వేతా ఖాన్ కలిసి ఆ యువతిని బార్ డ్యాన్సర్గా పనిచేయాలని, అశ్లీల చిత్రాల్లో నటించాలని ఒత్తిడి చేశారు.
అందుకు బాధితురాలు ససేమిరా అనడంతో, ఆమెపై దాడి చేసి, మొబైల్ ఫోన్ లాక్కుని ఓ ఫ్లాట్లో బంధించారు. ఆరు నెలల పాటు ఆమెను చిత్రహింసలకు గురిచేశారని బాధితురాలు పోలీసులకు ఇచ్చిన ఫిర్యాదులో పేర్కొంది. ఇనుప రాడ్లతో దారుణంగా కొట్టారని, నాలుగు రోజులకు ఒకసారి మాత్రమే భోజనం పెట్టేవారని ఆమె వాపోయింది. చిత్రహింసలు భరించలేక, ప్రాణాపాయ స్థితిలో ఉన్న ఆమె ఎలాగోలా వారి నుంచి తప్పించుకుని పోలీసులను ఆశ్రయించింది.
బాధితురాలి పరిస్థితి ఆందోళనకరంగా ఉండటంతో, ఆమెకు ఆసుపత్రిలో చికిత్స అందిస్తున్నామని పోలీసులు తెలిపారు. నిందితులైన శ్వేతా ఖాన్, ఆర్యన్ ఖాన్ పరారీలో ఉన్నారని, వారి ఆచూకీ కోసం ముమ్మరంగా గాలిస్తున్నామని వెల్లడించారు. ప్రాథమిక దర్యాప్తులో వీరు సెక్స్ రాకెట్ కూడా నడుపుతున్నట్లు ఆధారాలు లభించాయని పోలీసులు పేర్కొన్నారు. ఈ ఘటన స్థానికంగా తీవ్ర కలకలం రేపింది.
