Savitha: ఓ అధికారి ఇచ్చిన బొకేను వెనక్కి విసిరేసిన మంత్రి సవిత... వీడియో వైరల్
- బీసీ సంక్షేమ మంత్రి ఎస్. సవిత తీరుపై తీవ్ర చర్చ
- శ్రీ సత్యసాయి జిల్లా పెనుకొండలో ఓ అధికారి ఇచ్చిన బొకే విసిరివేత
- జూన్ 1న జరిగిన ఘటన, ఆలస్యంగా వెలుగు చూసిన వైనం
- నిత్యావసరాల పంపిణీ కార్యక్రమ సమీక్షలో ఈ ఘటన
- జిల్లా కలెక్టర్ చేతన్ సమక్షంలోనే మంత్రి అసహనం!
ఆంధ్రప్రదేశ్ రాష్ట్ర బీసీ సంక్షేమ శాఖ మంత్రి ఎస్. సవిత ఓ అధికారిక కార్యక్రమంలో వ్యవహరించిన తీరు విమర్శలపాలైంది. శ్రీ సత్యసాయి జిల్లాలో పర్యటించిన ఆమె, ఓ అధికారి అందించిన పూల బొకేను కోపంగా వెనక్కి విసిరికొట్టారు. ఇందుకు సంబంధించిన దృశ్యాలు ప్రస్తుతం సోషల్ మీడియాలో వేగంగా వ్యాపిస్తున్నాయి, దీనిపై పలువురు పలు రకాలుగా స్పందిస్తున్నారు.
ఈ సంఘటన జూన్ 1వ తేదీన శ్రీ సత్యసాయి జిల్లా పెనుకొండలోని సీఎస్డీటీ (కాలేజ్ ఆఫ్ స్కిల్ డెవలప్మెంట్ అండ్ టెక్నాలజీ)లో చోటుచేసుకున్నట్లు తెలుస్తోంది. నిత్యావసర సరుకుల పంపిణీ, రేషన్ షాపుల పునఃప్రారంభంపై ఏర్పాటు చేసిన సమీక్షా సమావేశానికి మంత్రి సవిత హాజరయ్యారు. ఈ సందర్భంగా ఓ అధికారి ఆమెకు స్వాగతం పలుకుతూ పూల బొకే అందించే ప్రయత్నం చేయగా, మంత్రి సవిత తీవ్ర అసహనంతో ఆ బొకేను వెనక్కి విసిరేయడం వీడియోలో కనిపించింది. ఆ బొకే అక్కడే ఉన్న మంత్రి గన్మన్కు తగిలి కిందపడిపోయినట్లు వైరల్ అవుతున్న వీడియోలో స్పష్టంగా కనిపిస్తోంది.
ఈ ఘటన జరిగిన సమయంలో జిల్లా కలెక్టర్ చేతన్ కూడా అక్కడే ఉన్నట్లు తెలుస్తోంది. అయితే, ఈ సంఘటనకు దారి తీసిన కచ్చితమైన కారణాలు ఏమిటన్నది ఇంకా తెలియరాలేదు. జూన్ మొదటి తేదీన జరిగిన ఈ ఉదంతానికి సంబంధించిన దృశ్యాలు కొన్ని రోజుల తర్వాత బయటకు రాగా, అవి సామాజిక మాధ్యమాల్లో విస్తృతంగా ప్రచారం అవుతున్నాయి.
ఈ సంఘటన జూన్ 1వ తేదీన శ్రీ సత్యసాయి జిల్లా పెనుకొండలోని సీఎస్డీటీ (కాలేజ్ ఆఫ్ స్కిల్ డెవలప్మెంట్ అండ్ టెక్నాలజీ)లో చోటుచేసుకున్నట్లు తెలుస్తోంది. నిత్యావసర సరుకుల పంపిణీ, రేషన్ షాపుల పునఃప్రారంభంపై ఏర్పాటు చేసిన సమీక్షా సమావేశానికి మంత్రి సవిత హాజరయ్యారు. ఈ సందర్భంగా ఓ అధికారి ఆమెకు స్వాగతం పలుకుతూ పూల బొకే అందించే ప్రయత్నం చేయగా, మంత్రి సవిత తీవ్ర అసహనంతో ఆ బొకేను వెనక్కి విసిరేయడం వీడియోలో కనిపించింది. ఆ బొకే అక్కడే ఉన్న మంత్రి గన్మన్కు తగిలి కిందపడిపోయినట్లు వైరల్ అవుతున్న వీడియోలో స్పష్టంగా కనిపిస్తోంది.
ఈ ఘటన జరిగిన సమయంలో జిల్లా కలెక్టర్ చేతన్ కూడా అక్కడే ఉన్నట్లు తెలుస్తోంది. అయితే, ఈ సంఘటనకు దారి తీసిన కచ్చితమైన కారణాలు ఏమిటన్నది ఇంకా తెలియరాలేదు. జూన్ మొదటి తేదీన జరిగిన ఈ ఉదంతానికి సంబంధించిన దృశ్యాలు కొన్ని రోజుల తర్వాత బయటకు రాగా, అవి సామాజిక మాధ్యమాల్లో విస్తృతంగా ప్రచారం అవుతున్నాయి.
