పార్కింగ్ కోసం ముంబై ఎయిర్పోర్ట్లో ఫైటింగ్.. కుమ్మేసుకున్న సెక్యూరిటీ సిబ్బంది, డ్రైవర్లు.. వీడియో ఇదిగో!
- క్రిస్టల్ సెక్యూరిటీ సిబ్బంది, డ్రైవర్ల మధ్య తీవ్ర వాగ్వివాదం
- సమీపంలోని పార్కింగ్ ప్రాంతంలో కాసేపు ఉద్రిక్త వాతావరణం
- సీఐఎస్ఎఫ్ సిబ్బంది జోక్యంతో పరిస్థితి అదుపులోకి
ఘర్షణ తీవ్రరూపం దాల్చడంతో ఆ సమయంలో అక్కడే విధుల్లో ఉన్న కేంద్ర పారిశ్రామిక భద్రతా దళం (సీఐఎస్ఎఫ్) అధికారి జోక్యం చేసుకున్నారు. ఇరువర్గాలను శాంతింపజేసి పరిస్థితిని అదుపులోకి తీసుకురావడానికి ప్రయత్నించారు. ఈ గొడవ కారణంగా విమానాశ్రయ కార్యకలాపాలకు స్వల్ప అంతరాయం కలిగింది.
ఈ ఘటనపై సమాచారం అందుకున్న స్థానిక పోలీసులు వెంటనే విమానాశ్రయానికి చేరుకున్నారు. గొడవకు గల కారణాలు, ఎంతమంది పాల్గొన్నారు? అనే కోణంలో దర్యాప్తు చేపట్టారు. ఘటనకు సంబంధించిన ప్రాథమిక వివరాలను సేకరించి, తదుపరి చర్యలు తీసుకుంటున్నట్టు అధికారులు తెలిపారు.
