BCCI: మధ్యలోనే ఆగిపోయిన ఐపీఎల్ మ్యాచ్ మళ్లీ మొదటి నుంచి!
- భద్రతా కారణాలతో నిలిచిన పంజాబ్-ఢిల్లీ మ్యాచ్
- మే 24న జైపూర్లో రీ మ్యాచ్
- ధర్మశాల ఆట రద్దు, మ్యాచ్ను మళ్లీ మొదటి నుంచి!
- మే 17 నుంచి ఐపీఎల్ పునఃప్రారంభం... ఆరు వేదికల్లో లీగ్ మ్యాచ్లు.
- జూన్ 3న ఫైనల్
భారత్-పాక్ ఉద్రిక్తతల కారణంగా ఈ నెల 8న ధర్మశాలలో అర్ధాంతరంగా నిలిచిపోయిన పంజాబ్ కింగ్స్, ఢిల్లీ క్యాపిటల్స్ జట్ల మధ్య ఐపీఎల్ మ్యాచ్ను మళ్లీ నిర్వహించాలని బీసీసీఐ నిర్ణయించింది. ఈ మ్యాచ్ మే 24న జైపూర్ వేదికగా జరగనుంది. గతంలో ధర్మశాలలో జరిగిన కొద్ది ఓవర్ల ఆటను పరిగణనలోకి తీసుకోకుండా, మ్యాచ్ను పూర్తిగా మొదటి నుంచి ఆడనున్నారు.
ఇటీవల ధర్మశాల వేదికగా పంజాబ్ కింగ్స్, ఢిల్లీ క్యాపిటల్స్ మధ్య మ్యాచ్ ప్రారంభమైంది. పంజాబ్ ఇన్నింగ్స్లో 10.1 ఓవర్ల ఆట పూర్తయిన తర్వాత, భద్రతా కారణాల దృష్ట్యా మ్యాచ్ను అధికారులు నిలిపివేశారు. సాధారణంగా ఇటువంటి సందర్భాల్లో ఇరు జట్లకు చెరో పాయింట్ కేటాయిస్తారు. అయితే, ఈ మ్యాచ్ విషయంలో పాయింట్లు కేటాయించకపోవడంతో అభిమానుల్లో కొంత గందరగోళం నెలకొంది. తాజాగా ప్రకటించిన షెడ్యూల్తో దీనిపై స్పష్టత వచ్చింది.
ధర్మశాలలో మ్యాచ్ ఆగిన సమయానికి పంజాబ్ జట్టు ఒక వికెట్ నష్టానికి 122 పరుగులు చేసి పటిష్ట స్థితిలో నిలిచింది. ఇప్పుడు మ్యాచ్ను మళ్లీ మొదటి బంతి నుంచి ప్రారంభించనుండటంతో, ఆ జట్టు సాధించిన ఆధిక్యం ప్రయోజనం లేకుండా పోయింది. ఇది పంజాబ్ జట్టుకు కొంత ప్రతికూలాంశంగా మారే అవకాశం ఉంది. పంజాబ్ కింగ్స్ ఇప్పటివరకు 11 మ్యాచ్లు ఆడి 15 పాయింట్లతో ఉంది. ప్లే ఆఫ్స్కు చేరాలంటే మిగిలిన మూడు మ్యాచ్ల్లో కనీసం ఒకదానిలో విజయం సాధించాల్సి ఉంది.
భారత్, పాకిస్థాన్ల మధ్య నెలకొన్న ఉద్రిక్తతల నేపథ్యంలో గతంలో వాయిదా పడిన ఐపీఎల్ను మే 17 నుంచి పునఃప్రారంభించాలని బీసీసీఐ నిర్ణయించిన విషయం తెలిసిందే. లీగ్ దశ మ్యాచ్లు బెంగళూరు, జైపూర్, ఢిల్లీ, లక్నో, అహ్మదాబాద్, ముంబయి వంటి ఆరు వేదికల్లో జరగనున్నాయి. టోర్నమెంట్ ఫైనల్ జూన్ 3న నిర్వహించనున్నారు. ప్లే ఆఫ్స్ మ్యాచ్ల వేదికలను బీసీసీఐ త్వరలోనే అధికారికంగా ప్రకటించనుంది.
ఏప్రిల్ 29న క్వాలిఫయర్-1, ఏప్రిల్ 30న ఎలిమినేటర్, జూన్ 1న క్వాలిఫయర్-2 మ్యాచ్లు నిర్వహించేందుకు షెడ్యూల్ ఖరారైనట్లు తెలుస్తోంది. అయితే, ఈ కీలక మ్యాచ్ల వేదికలను ఇంకా అధికారికంగా వెల్లడించలేదు. ప్లే ఆఫ్ మ్యాచ్లలో ఒకటి ముంబయిలో, ఫైనల్ మ్యాచ్ అహ్మదాబాద్లో నిర్వహించే అవకాశాలు ఉన్నాయని వార్తలు వస్తున్నాయి. దీనిపై బీసీసీఐ నుంచి అధికారిక ప్రకటన వెలువడాల్సి ఉంది.
ఇటీవల ధర్మశాల వేదికగా పంజాబ్ కింగ్స్, ఢిల్లీ క్యాపిటల్స్ మధ్య మ్యాచ్ ప్రారంభమైంది. పంజాబ్ ఇన్నింగ్స్లో 10.1 ఓవర్ల ఆట పూర్తయిన తర్వాత, భద్రతా కారణాల దృష్ట్యా మ్యాచ్ను అధికారులు నిలిపివేశారు. సాధారణంగా ఇటువంటి సందర్భాల్లో ఇరు జట్లకు చెరో పాయింట్ కేటాయిస్తారు. అయితే, ఈ మ్యాచ్ విషయంలో పాయింట్లు కేటాయించకపోవడంతో అభిమానుల్లో కొంత గందరగోళం నెలకొంది. తాజాగా ప్రకటించిన షెడ్యూల్తో దీనిపై స్పష్టత వచ్చింది.
ధర్మశాలలో మ్యాచ్ ఆగిన సమయానికి పంజాబ్ జట్టు ఒక వికెట్ నష్టానికి 122 పరుగులు చేసి పటిష్ట స్థితిలో నిలిచింది. ఇప్పుడు మ్యాచ్ను మళ్లీ మొదటి బంతి నుంచి ప్రారంభించనుండటంతో, ఆ జట్టు సాధించిన ఆధిక్యం ప్రయోజనం లేకుండా పోయింది. ఇది పంజాబ్ జట్టుకు కొంత ప్రతికూలాంశంగా మారే అవకాశం ఉంది. పంజాబ్ కింగ్స్ ఇప్పటివరకు 11 మ్యాచ్లు ఆడి 15 పాయింట్లతో ఉంది. ప్లే ఆఫ్స్కు చేరాలంటే మిగిలిన మూడు మ్యాచ్ల్లో కనీసం ఒకదానిలో విజయం సాధించాల్సి ఉంది.
భారత్, పాకిస్థాన్ల మధ్య నెలకొన్న ఉద్రిక్తతల నేపథ్యంలో గతంలో వాయిదా పడిన ఐపీఎల్ను మే 17 నుంచి పునఃప్రారంభించాలని బీసీసీఐ నిర్ణయించిన విషయం తెలిసిందే. లీగ్ దశ మ్యాచ్లు బెంగళూరు, జైపూర్, ఢిల్లీ, లక్నో, అహ్మదాబాద్, ముంబయి వంటి ఆరు వేదికల్లో జరగనున్నాయి. టోర్నమెంట్ ఫైనల్ జూన్ 3న నిర్వహించనున్నారు. ప్లే ఆఫ్స్ మ్యాచ్ల వేదికలను బీసీసీఐ త్వరలోనే అధికారికంగా ప్రకటించనుంది.
ఏప్రిల్ 29న క్వాలిఫయర్-1, ఏప్రిల్ 30న ఎలిమినేటర్, జూన్ 1న క్వాలిఫయర్-2 మ్యాచ్లు నిర్వహించేందుకు షెడ్యూల్ ఖరారైనట్లు తెలుస్తోంది. అయితే, ఈ కీలక మ్యాచ్ల వేదికలను ఇంకా అధికారికంగా వెల్లడించలేదు. ప్లే ఆఫ్ మ్యాచ్లలో ఒకటి ముంబయిలో, ఫైనల్ మ్యాచ్ అహ్మదాబాద్లో నిర్వహించే అవకాశాలు ఉన్నాయని వార్తలు వస్తున్నాయి. దీనిపై బీసీసీఐ నుంచి అధికారిక ప్రకటన వెలువడాల్సి ఉంది.
