Vikram Misri: ఆపరేషన్ సిందూర్: విక్రమ్ మిస్రీపై ట్రోలింగ్ ను ఖండించిన ఒవైసీ
- పాకిస్థాన్తో కాల్పుల విరమణ ప్రకటన తర్వాత మిస్రీ లక్ష్యంగా ట్రోలింగ్
- విదేశాంగ కార్యదర్శి విక్రమ్ మిస్రీకి అండగా ఒవైసీ
- ప్రభుత్వ నిర్ణయాలకు ఉద్యోగులను నిందించొద్దని వెల్లడి
భారత విదేశాంగ కార్యదర్శి విక్రమ్ మిస్రీని లక్ష్యంగా చేసుకుని సోషల్ మీడియాలో జరుగుతున్న ట్రోలింగ్ను ఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ ఖండించారు. పాకిస్థాన్తో కాల్పుల విరమణ ఒప్పందం కుదిరినట్లు ప్రభుత్వం ప్రకటించిన నేపథ్యంలో, ఈ పరిణామాలపై ప్రభుత్వ అధికార ప్రతినిధిగా వ్యవహరించిన మిస్రీపై కొందరు విమర్శలకు దిగారు. ఈ తరుణంలో ఆయనకు పలువురు రాజకీయ నాయకుల నుంచి మద్దతు లభిస్తోంది.
ఆపరేషన్ సిందూర్ సమయంలో నెలకొన్న ఉద్రిక్త పరిస్థితుల్లో, కల్నల్ సోఫియా ఖురేషి, వింగ్ కమాండర్ వ్యోమికా సింగ్లతో కలిసి విక్రమ్ మిస్రీ ప్రభుత్వ వైఖరిని సమర్థవంతంగా ప్రపంచానికి తెలియజేశారు. ఈ నేపథ్యంలో ఆయనపై వస్తున్న ట్రోలింగ్ను ఉద్దేశిస్తూ అసదుద్దీన్ ఒవైసీ ఎక్స్ (ట్విట్టర్) వేదికగా స్పందించారు. "విక్రమ్ మిస్రీ ఎంతో నిబద్ధతగల, నిజాయతీపరుడైన, కష్టపడి పనిచేసే దౌత్యవేత్త. మన దేశం కోసం ఆయన అహర్నిశలు శ్రమిస్తున్నారు. మన ప్రభుత్వ ఉద్యోగులు కార్యనిర్వాహక వర్గం ఆదేశాల మేరకు పనిచేస్తారనేది గుర్తుంచుకోవాలి. కార్యనిర్వాహక వర్గం లేదా దేశాన్ని నడిపే ఏ రాజకీయ నాయకత్వం తీసుకున్న నిర్ణయాలకు వారిని నిందించకూడదు" అని ఒవైసీ స్పష్టం చేశారు.
ఢిల్లీలోని హిందూ కళాశాల, జంషెడ్పూర్లోని ఎక్స్ఎల్ఆర్ఐ పూర్వ విద్యార్థి అయిన మిస్రీ ఇండియన్ ఫారిన్ సర్వీస్లో చేరడానికి ముందు కొంతకాలం ప్రకటనల రంగంలో పనిచేశారు. విదేశాల్లోని పలు భారత రాయబార కార్యాలయాల్లోనూ, ప్రధానమంత్రి కార్యాలయంలోనూ ఆయన సేవలందించారు. గత ఏడాది జులైలో విదేశాంగ కార్యదర్శిగా బాధ్యతలు స్వీకరించారు.
'ఆపరేషన్ సిందూర్' ప్రారంభమైనప్పటి నుంచి ప్రభుత్వం నిర్వహించిన మీడియా సమావేశాల్లో విక్రమ్ మిస్రీ వ్యవహరించిన తీరు, పదజాలం, పాకిస్థాన్ వ్యాఖ్యలకు దీటైన సమాధానాలు ఇవ్వడంపై సర్వత్రా ప్రశంసలు వెల్లువెత్తాయి.
ఆపరేషన్ సిందూర్ సమయంలో నెలకొన్న ఉద్రిక్త పరిస్థితుల్లో, కల్నల్ సోఫియా ఖురేషి, వింగ్ కమాండర్ వ్యోమికా సింగ్లతో కలిసి విక్రమ్ మిస్రీ ప్రభుత్వ వైఖరిని సమర్థవంతంగా ప్రపంచానికి తెలియజేశారు. ఈ నేపథ్యంలో ఆయనపై వస్తున్న ట్రోలింగ్ను ఉద్దేశిస్తూ అసదుద్దీన్ ఒవైసీ ఎక్స్ (ట్విట్టర్) వేదికగా స్పందించారు. "విక్రమ్ మిస్రీ ఎంతో నిబద్ధతగల, నిజాయతీపరుడైన, కష్టపడి పనిచేసే దౌత్యవేత్త. మన దేశం కోసం ఆయన అహర్నిశలు శ్రమిస్తున్నారు. మన ప్రభుత్వ ఉద్యోగులు కార్యనిర్వాహక వర్గం ఆదేశాల మేరకు పనిచేస్తారనేది గుర్తుంచుకోవాలి. కార్యనిర్వాహక వర్గం లేదా దేశాన్ని నడిపే ఏ రాజకీయ నాయకత్వం తీసుకున్న నిర్ణయాలకు వారిని నిందించకూడదు" అని ఒవైసీ స్పష్టం చేశారు.
ఢిల్లీలోని హిందూ కళాశాల, జంషెడ్పూర్లోని ఎక్స్ఎల్ఆర్ఐ పూర్వ విద్యార్థి అయిన మిస్రీ ఇండియన్ ఫారిన్ సర్వీస్లో చేరడానికి ముందు కొంతకాలం ప్రకటనల రంగంలో పనిచేశారు. విదేశాల్లోని పలు భారత రాయబార కార్యాలయాల్లోనూ, ప్రధానమంత్రి కార్యాలయంలోనూ ఆయన సేవలందించారు. గత ఏడాది జులైలో విదేశాంగ కార్యదర్శిగా బాధ్యతలు స్వీకరించారు.
'ఆపరేషన్ సిందూర్' ప్రారంభమైనప్పటి నుంచి ప్రభుత్వం నిర్వహించిన మీడియా సమావేశాల్లో విక్రమ్ మిస్రీ వ్యవహరించిన తీరు, పదజాలం, పాకిస్థాన్ వ్యాఖ్యలకు దీటైన సమాధానాలు ఇవ్వడంపై సర్వత్రా ప్రశంసలు వెల్లువెత్తాయి.
