రోహిత్, కోహ్లీ భవితవ్యంపై గంభీర్ కీలక వ్యాఖ్యలు
టీమిండియా సీనియర్ ఆటగాళ్లు రోహిత్ శర్మ, విరాట్ కోహ్లీ భవిష్యత్తుపై భారత క్రికెట్ జట్టు ప్రధాన కోచ్ గౌతమ్ గంభీర్ కీలక వ్యాఖ్యలు చేశాడు. వారిద్దరూ అద్భుతమైన ప్రదర్శన కనబరిచినంత కాలం భారత జట్టులో కొనసాగుతారని స్పష్టం చేశాడు. మంగళవారం ఏబీపీ న్యూస్ నిర్వహించిన 'ఇండియా ఎట్ 2047' సమ్మిట్లో గంభీర్ ఈ వ్యాఖ్యలు చేశాడు.
ఆటగాళ్ల ఎంపిక ప్రక్రియలో కోచ్ పాత్ర గురించి గంభీర్ మాట్లాడుతూ "కోచ్ పని ఆటగాళ్లను ఎంపిక చేయడం కాదు. అది సెలక్టర్ల బాధ్యత. కోచ్ కేవలం మ్యాచ్ ఆడే తుది పదకొండు మందిని మాత్రమే ఎంపిక చేస్తాడు. నాకు ముందు కోచ్లుగా పనిచేసినవారుగానీ, నేనుగానీ సెలక్టర్లుగా వ్యవహరించలేదు" అని స్పష్టం చేశాడు. రాబోయే ఇంగ్లండ్ టెస్ట్ పర్యటనకు సీనియర్ బ్యాటర్ల ఎంపికలో తన పాత్ర ఏమీ ఉండదని చెప్పాడు.
రోహిత్ శర్మ (37), విరాట్ కోహ్లీ (36)ల భవిష్యత్తు గురించి ప్రశ్నించగా "వారు రాణిస్తున్నంత కాలం జట్టులో భాగంగా ఉండాలి. ఎప్పుడు ఆడటం మొదలుపెట్టాలి, ఎప్పుడు ఆటకు వీడ్కోలు చెప్పాలి అనేది పూర్తిగా వారి వ్యక్తిగత నిర్ణయం. ఏ కోచ్, ఏ సెలక్టర్, లేదా బీసీసీఐ కూడా వారు ఎప్పుడు రిటైర్ అవ్వాలో చెప్పలేరు. మీరు నిలకడగా రాణిస్తుంటే 40 ఏళ్లే కాదు, 45 ఏళ్ల వయసులోనైనా ఆడవచ్చు. మిమ్మల్ని ఎవరు ఆపుతారు?" అని గంభీర్ వివరించాడు.
2027లో దక్షిణాఫ్రికాలో జరగనున్న వన్డే ప్రపంచకప్లో వీరిద్దరూ ఆడతారా అనే ప్రశ్నకు.. "అది వారి ప్రదర్శనపైనే ఆధారపడి ఉంటుంది. ప్రదర్శన మాత్రమే వారి ఎంపికను ఖాయం చేస్తుంది" అని గంభీర్ పేర్కొన్నాడు. ఆస్ట్రేలియా టెస్ట్ పర్యటనలో వారి ప్రదర్శనపై విమర్శలు వచ్చినప్పటికీ, ఛాంపియన్స్ ట్రోఫీలో ఇద్దరూ మంచి ఫామ్లో ఉన్నారని, వారి ప్రదర్శనను ప్రపంచం మొత్తం చూసిందని గుర్తు చేశాడు.
ఆటగాళ్లకు ప్రణాళికాబద్ధమైన వీడ్కోలు మ్యాచ్ల గురించి గంభీర్ మాట్లాడుతూ ఏ క్రీడాకారుడూ ఘనమైన వీడ్కోలు గురించి ఆలోచించి క్రికెట్ ఆడరని అన్నాడు. "వీడ్కోలు కంటే, వారు దేశం కోసం ఎలాంటి క్లిష్ట పరిస్థితుల్లో మ్యాచ్లు గెలిపించారో మనం గుర్తుంచుకోవాలి. వారికి వీడ్కోలు లభించినా, లభించకపోయినా అది ముఖ్యం కాదు. దేశానికి వారు చేసిన సేవే వారికి లభించే అతిపెద్ద వీడ్కోలు. దేశప్రజల ప్రేమ కంటే గొప్ప ట్రోఫీ ఏముంటుంది? వీడ్కోళ్లు క్రికెటర్లకు అంతగా ముఖ్యం కావు" అని గంభీర్ తన అభిప్రాయాన్ని కుండబద్దలు కొట్టినట్లు చెప్పాడు.
ఆటగాళ్ల ఎంపిక ప్రక్రియలో కోచ్ పాత్ర గురించి గంభీర్ మాట్లాడుతూ "కోచ్ పని ఆటగాళ్లను ఎంపిక చేయడం కాదు. అది సెలక్టర్ల బాధ్యత. కోచ్ కేవలం మ్యాచ్ ఆడే తుది పదకొండు మందిని మాత్రమే ఎంపిక చేస్తాడు. నాకు ముందు కోచ్లుగా పనిచేసినవారుగానీ, నేనుగానీ సెలక్టర్లుగా వ్యవహరించలేదు" అని స్పష్టం చేశాడు. రాబోయే ఇంగ్లండ్ టెస్ట్ పర్యటనకు సీనియర్ బ్యాటర్ల ఎంపికలో తన పాత్ర ఏమీ ఉండదని చెప్పాడు.
రోహిత్ శర్మ (37), విరాట్ కోహ్లీ (36)ల భవిష్యత్తు గురించి ప్రశ్నించగా "వారు రాణిస్తున్నంత కాలం జట్టులో భాగంగా ఉండాలి. ఎప్పుడు ఆడటం మొదలుపెట్టాలి, ఎప్పుడు ఆటకు వీడ్కోలు చెప్పాలి అనేది పూర్తిగా వారి వ్యక్తిగత నిర్ణయం. ఏ కోచ్, ఏ సెలక్టర్, లేదా బీసీసీఐ కూడా వారు ఎప్పుడు రిటైర్ అవ్వాలో చెప్పలేరు. మీరు నిలకడగా రాణిస్తుంటే 40 ఏళ్లే కాదు, 45 ఏళ్ల వయసులోనైనా ఆడవచ్చు. మిమ్మల్ని ఎవరు ఆపుతారు?" అని గంభీర్ వివరించాడు.
2027లో దక్షిణాఫ్రికాలో జరగనున్న వన్డే ప్రపంచకప్లో వీరిద్దరూ ఆడతారా అనే ప్రశ్నకు.. "అది వారి ప్రదర్శనపైనే ఆధారపడి ఉంటుంది. ప్రదర్శన మాత్రమే వారి ఎంపికను ఖాయం చేస్తుంది" అని గంభీర్ పేర్కొన్నాడు. ఆస్ట్రేలియా టెస్ట్ పర్యటనలో వారి ప్రదర్శనపై విమర్శలు వచ్చినప్పటికీ, ఛాంపియన్స్ ట్రోఫీలో ఇద్దరూ మంచి ఫామ్లో ఉన్నారని, వారి ప్రదర్శనను ప్రపంచం మొత్తం చూసిందని గుర్తు చేశాడు.
ఆటగాళ్లకు ప్రణాళికాబద్ధమైన వీడ్కోలు మ్యాచ్ల గురించి గంభీర్ మాట్లాడుతూ ఏ క్రీడాకారుడూ ఘనమైన వీడ్కోలు గురించి ఆలోచించి క్రికెట్ ఆడరని అన్నాడు. "వీడ్కోలు కంటే, వారు దేశం కోసం ఎలాంటి క్లిష్ట పరిస్థితుల్లో మ్యాచ్లు గెలిపించారో మనం గుర్తుంచుకోవాలి. వారికి వీడ్కోలు లభించినా, లభించకపోయినా అది ముఖ్యం కాదు. దేశానికి వారు చేసిన సేవే వారికి లభించే అతిపెద్ద వీడ్కోలు. దేశప్రజల ప్రేమ కంటే గొప్ప ట్రోఫీ ఏముంటుంది? వీడ్కోళ్లు క్రికెటర్లకు అంతగా ముఖ్యం కావు" అని గంభీర్ తన అభిప్రాయాన్ని కుండబద్దలు కొట్టినట్లు చెప్పాడు.
