పహల్గామ్ దాడికి ప్రతీకారం.. పాక్కు 25 గగనతల మార్గాలు మూసివేసిన భారత్
పహల్గామ్ ఉగ్రదాడికి ప్రతిస్పందనగా భారత సాయుధ బలగాలు చేపట్టిన ‘ఆపరేషన్ సిందూర్’ విజయవంతమైన నేపథ్యంలో భారత ప్రభుత్వం కీలక నిర్ణయం తీసుకుంది. భారత గగనతలం నుంచి పాకిస్థాన్ గగనతలంలోకి ప్రవేశించేందుకు వీలు కల్పించే సుమారు 25 విమాన మార్గాలను మూసివేస్తున్నట్లు ప్రకటించింది. ఈ చర్యతో అంతర్జాతీయ విమానయాన సంస్థలు ప్రత్యామ్నాయ మార్గాలను ఎంచుకోవాల్సిన పరిస్థితి ఏర్పడింది.
గతంలో గగనతల ఆంక్షలు
పహల్గామ్ ఉగ్రదాడి అనంతరం ఇరు దేశాల మధ్య ఉద్రిక్తతలు పెరిగాయి. ఏప్రిల్ 30న పాకిస్థానీ విమానయాన సంస్థలకు భారత గగనతలాన్ని మూసివేస్తున్నట్లు భారత్ ప్రకటించింది. దీనికి ముందు, పహల్గామ్ దాడి జరిగిన రెండు రోజుల తర్వాత ఏప్రిల్ 24న పాకిస్థాన్ తమ గగనతలంలో భారత విమానాల రాకపోకలను నిషేధించింది.
అంతర్జాతీయ విమాన సర్వీసులపై ప్రభావం
తాజాగా భారత ప్రభుత్వం తీసుకున్న నిర్ణయంతో భారత గగనతలం దాటి పాకిస్థాన్ మీదుగా ప్రయాణించే విదేశీ విమానయాన సంస్థలు ఇప్పుడు సుదీర్ఘ మార్గాలను అనుసరించాల్సి వస్తుంది. సుమారు 25 విమాన మార్గాలను నిరవధికంగా నిలిపివేసినట్లు అధికారులు తెలిపారు. భారత్ నుంచి బయలుదేరిన తర్వాత పాకిస్థాన్ గగనతలాన్ని పూర్తిగా తప్పించే ప్రత్యామ్నాయ మార్గాలను రూపొందించుకోవాలని అంతర్జాతీయ విమానయాన సంస్థలకు సూచించినట్లు పేర్కొన్నారు. సాధారణంగా ఏ దేశ గగనతలాన్ని ఉపయోగించుకున్నా ఆ దేశ పౌర విమానయాన అథారిటీకి విమానయాన సంస్థలు ఓవర్ఫ్లైట్ రుసుము చెల్లించాల్సి ఉంటుంది. భారత్లో ఎయిర్పోర్ట్స్ అథారిటీ ఆఫ్ ఇండియా (ఏఏఐ) దేశ గగనతలం, దాని ప్రక్కనే ఉన్న సముద్ర ప్రాంతాలలో ఎయిర్ ట్రాఫిక్ మేనేజ్మెంట్ సర్వీసెస్ (ఏటీఎంఎస్)ను నిర్వహిస్తుంది.
రద్దులు.. మార్పులు
తాజా పరిణామాల నేపథ్యంలో యునైటెడ్ ఎయిర్లైన్స్, కొరియన్ ఎయిర్ వంటి పలు అంతర్జాతీయ విమానయాన సంస్థలు పాకిస్థాన్ గగనతలానికి సమీపంలోని తమ విమానాలను దారి మళ్లించడం లేదా రద్దు చేయడం చేశాయి. ఇరు దేశాల్లోనూ దేశీయ విమాన ప్రయాణాలపై కూడా ప్రభావం పడింది. ‘ఫ్లైట్రాడార్ 24’ ద్వారా రాయిటర్స్ సేకరించిన డేటా ప్రకారం బుధవారం ఉదయం 10:30 సమయానికి భారతదేశంలో షెడ్యూల్ చేసిన విమానాలలో సుమారు 3 శాతం, పాకిస్థాన్లో 17 శాతం రద్దయ్యాయి.
గతంలో గగనతల ఆంక్షలు
పహల్గామ్ ఉగ్రదాడి అనంతరం ఇరు దేశాల మధ్య ఉద్రిక్తతలు పెరిగాయి. ఏప్రిల్ 30న పాకిస్థానీ విమానయాన సంస్థలకు భారత గగనతలాన్ని మూసివేస్తున్నట్లు భారత్ ప్రకటించింది. దీనికి ముందు, పహల్గామ్ దాడి జరిగిన రెండు రోజుల తర్వాత ఏప్రిల్ 24న పాకిస్థాన్ తమ గగనతలంలో భారత విమానాల రాకపోకలను నిషేధించింది.
అంతర్జాతీయ విమాన సర్వీసులపై ప్రభావం
తాజాగా భారత ప్రభుత్వం తీసుకున్న నిర్ణయంతో భారత గగనతలం దాటి పాకిస్థాన్ మీదుగా ప్రయాణించే విదేశీ విమానయాన సంస్థలు ఇప్పుడు సుదీర్ఘ మార్గాలను అనుసరించాల్సి వస్తుంది. సుమారు 25 విమాన మార్గాలను నిరవధికంగా నిలిపివేసినట్లు అధికారులు తెలిపారు. భారత్ నుంచి బయలుదేరిన తర్వాత పాకిస్థాన్ గగనతలాన్ని పూర్తిగా తప్పించే ప్రత్యామ్నాయ మార్గాలను రూపొందించుకోవాలని అంతర్జాతీయ విమానయాన సంస్థలకు సూచించినట్లు పేర్కొన్నారు. సాధారణంగా ఏ దేశ గగనతలాన్ని ఉపయోగించుకున్నా ఆ దేశ పౌర విమానయాన అథారిటీకి విమానయాన సంస్థలు ఓవర్ఫ్లైట్ రుసుము చెల్లించాల్సి ఉంటుంది. భారత్లో ఎయిర్పోర్ట్స్ అథారిటీ ఆఫ్ ఇండియా (ఏఏఐ) దేశ గగనతలం, దాని ప్రక్కనే ఉన్న సముద్ర ప్రాంతాలలో ఎయిర్ ట్రాఫిక్ మేనేజ్మెంట్ సర్వీసెస్ (ఏటీఎంఎస్)ను నిర్వహిస్తుంది.
రద్దులు.. మార్పులు
తాజా పరిణామాల నేపథ్యంలో యునైటెడ్ ఎయిర్లైన్స్, కొరియన్ ఎయిర్ వంటి పలు అంతర్జాతీయ విమానయాన సంస్థలు పాకిస్థాన్ గగనతలానికి సమీపంలోని తమ విమానాలను దారి మళ్లించడం లేదా రద్దు చేయడం చేశాయి. ఇరు దేశాల్లోనూ దేశీయ విమాన ప్రయాణాలపై కూడా ప్రభావం పడింది. ‘ఫ్లైట్రాడార్ 24’ ద్వారా రాయిటర్స్ సేకరించిన డేటా ప్రకారం బుధవారం ఉదయం 10:30 సమయానికి భారతదేశంలో షెడ్యూల్ చేసిన విమానాలలో సుమారు 3 శాతం, పాకిస్థాన్లో 17 శాతం రద్దయ్యాయి.
