Baba Ramdev: యుద్ధం వస్తే పాకిస్థాన్ నాలుగు రోజులు నిలవదు.. కరాచీలో గురుకులాలు నిర్మించాల్సి వస్తుంది: బాబా రాందేవ్
- పాక్ అంతర్గత కలహాలతో విచ్ఛిన్నమవుతోందన్న రాందేవ్
- బలూచిస్థాన్, పీవోకేలో పరిస్థితి దారుణంగా ఉందన్న యోగా గురు
- భారత్ ప్రతీకార దాడుల గురించి పాకిస్థాన్ భయాందోళనతో ఉందని వ్యాఖ్య
భారత్, పాకిస్థాన్ల మధ్య ఉద్రిక్తతలు నెలకొన్న ప్రస్తుత తరుణంలో యోగా గురువు బాబా రాందేవ్ పాకిస్థాన్పై కీలక వ్యాఖ్యలు చేశారు. ఆ దేశం తీవ్ర అంతర్గత సంఘర్షణలతో సతమతమవుతోందని, తనంతట తానుగానే విచ్ఛిన్నమయ్యే పరిస్థితికి చేరుకుందని ఆయన పేర్కొన్నారు.
పాకిస్థాన్ అంతర్గత పరిస్థితులపై రాందేవ్ మాట్లాడుతూ, "పాకిస్థాన్ ఇప్పటికే అంతర్గత పోరాటాలతో కొట్టుమిట్టాడుతోంది. బలూచిస్థాన్ ప్రజలు తమ స్వాతంత్ర్యం కోసం పోరాడుతున్నారు. పాక్ ఆక్రమిత కశ్మీర్లో కూడా పరిస్థితి అత్యంత దారుణంగా ఉంది" అని అన్నారు.
పాకిస్థాన్ సైనిక సామర్థ్యంపై మాట్లాడుతూ, "పాక్కు యుద్ధం చేసే శక్తి లేదు. ఒకవేళ భారత్తో యుద్ధం సంభవిస్తే, ఆ దేశం నాలుగు రోజులు కూడా నిలబడలేదు" అని అభిప్రాయపడ్డారు. భవిష్యత్తులో మనం కరాచీ, లాహోర్లలో గురుకులాలు నిర్మించాల్సిన అవసరం వస్తుందని తాను భావిస్తున్నట్లు పేర్కొన్నారు.
పహల్గామ్ ఉగ్రదాడి ఘటన అనంతరం, పాకిస్థాన్ నాయకత్వం భారత ప్రతీకార దాడుల గురించి తీవ్ర భయాందోళనలతో ఉందని బాబా రాందేవ్ అన్నారు. పాకిస్థాన్ తన సైన్యంపైనే నమ్మకం కోల్పోయిందని ఆయన వ్యాఖ్యానించారు.
అలా చేస్తే ఉగ్రవాదులతో పాటు ప్రోత్సహించేవారు కూడా మిగలరు: బీజేపీ అధికార ప్రతినిధి
ఇదే అంశంపై బీజేపీ జాతీయ అధికార ప్రతినిధి ప్రదీప్ భండారి స్పందించారు. ఉగ్రవాదులకు ఆశ్రయం కల్పిస్తున్న పాకిస్థాన్పై భారత్ ఇంకా పూర్తిస్థాయిలో స్పందించలేదని, ఒకవేళ అలా చేస్తే ఉగ్రవాదులతో పాటు వారిని ప్రోత్సహించే వారు కూడా మిగలరని ఆయన హెచ్చరించారు. ప్రధాని మోదీ నాయకత్వంలో ఉగ్రవాదాన్ని సమూలంగా నిర్మూలించడానికి భారతదేశం సిద్ధంగా ఉందని భండారి తెలిపారు.
పాకిస్థాన్ అంతర్గత పరిస్థితులపై రాందేవ్ మాట్లాడుతూ, "పాకిస్థాన్ ఇప్పటికే అంతర్గత పోరాటాలతో కొట్టుమిట్టాడుతోంది. బలూచిస్థాన్ ప్రజలు తమ స్వాతంత్ర్యం కోసం పోరాడుతున్నారు. పాక్ ఆక్రమిత కశ్మీర్లో కూడా పరిస్థితి అత్యంత దారుణంగా ఉంది" అని అన్నారు.
పాకిస్థాన్ సైనిక సామర్థ్యంపై మాట్లాడుతూ, "పాక్కు యుద్ధం చేసే శక్తి లేదు. ఒకవేళ భారత్తో యుద్ధం సంభవిస్తే, ఆ దేశం నాలుగు రోజులు కూడా నిలబడలేదు" అని అభిప్రాయపడ్డారు. భవిష్యత్తులో మనం కరాచీ, లాహోర్లలో గురుకులాలు నిర్మించాల్సిన అవసరం వస్తుందని తాను భావిస్తున్నట్లు పేర్కొన్నారు.
పహల్గామ్ ఉగ్రదాడి ఘటన అనంతరం, పాకిస్థాన్ నాయకత్వం భారత ప్రతీకార దాడుల గురించి తీవ్ర భయాందోళనలతో ఉందని బాబా రాందేవ్ అన్నారు. పాకిస్థాన్ తన సైన్యంపైనే నమ్మకం కోల్పోయిందని ఆయన వ్యాఖ్యానించారు.
అలా చేస్తే ఉగ్రవాదులతో పాటు ప్రోత్సహించేవారు కూడా మిగలరు: బీజేపీ అధికార ప్రతినిధి
ఇదే అంశంపై బీజేపీ జాతీయ అధికార ప్రతినిధి ప్రదీప్ భండారి స్పందించారు. ఉగ్రవాదులకు ఆశ్రయం కల్పిస్తున్న పాకిస్థాన్పై భారత్ ఇంకా పూర్తిస్థాయిలో స్పందించలేదని, ఒకవేళ అలా చేస్తే ఉగ్రవాదులతో పాటు వారిని ప్రోత్సహించే వారు కూడా మిగలరని ఆయన హెచ్చరించారు. ప్రధాని మోదీ నాయకత్వంలో ఉగ్రవాదాన్ని సమూలంగా నిర్మూలించడానికి భారతదేశం సిద్ధంగా ఉందని భండారి తెలిపారు.
