పహల్గామ్ దాడి.. ఆహారాన్ని నిల్వ చేసుకోవాలని పీవోకేలో ప్రజలకు అలర్ట్
- పీవోకేలో ఆహార నిల్వలకు స్థానిక అధికారుల సూచన
- ఎల్వోసీ సమీప ప్రజలు సరుకులు సిద్ధం చేసుకోవాలని ఆదేశం
- రూ.100 కోట్లతో అత్యవసర నిధి ఏర్పాటు చేసినట్లు తెలిపిన పీవోకే ప్రభుత్వం
- భారత్-పాక్ మధ్య పెరుగుతున్న ఉద్రిక్తతలే కారణమని సంకేతాలు
శుక్రవారం స్థానిక అసెంబ్లీలో చౌధ్రీ అన్వర్ ఉల్ హక్ మాట్లాడుతూ, నియంత్రణ రేఖకు సమీపంలో ఉన్న 13 నియోజకవర్గాల ప్రజలు అప్రమత్తంగా ఉండాలని కోరారు. "రాబోయే రెండు నెలలకు సరిపడా ఆహార ధాన్యాలు, నిత్యావసరాలను నిల్వ చేసుకోవాలని ప్రజలకు సూచించాం" అని వెల్లడించారు.
అంతేకాకుండా, ఎలాంటి ప్రతికూల పరిస్థితులనైనా ఎదుర్కొనేందుకు స్థానిక ప్రభుత్వం సిద్ధంగా ఉందని, ఇందుకోసం రూ.100 కోట్లతో ఒక అత్యవసర నిధిని ఏర్పాటు చేసినట్లు తెలిపారు. ఆహారం, ఔషధాలు, ఇతర కనీస అవసరాల సరఫరాలో ఎటువంటి అంతరాయం ఏర్పడకుండా చూడటమే ఈ నిధి యొక్క ముఖ్య ఉద్దేశ్యమని ఆయన వివరించారు.
