Women population: ఈ దేశాల్లో మహిళలే అధికం.. ఆ రెండు దేశాల్లో మహిళల శాతం మరీ దారుణం!
- ప్రపంచవ్యాప్తంగా పెరిగిపోతున్న స్త్రీల సంఖ్య
- కొన్ని దేశాల్లో పురుషుల సంఖ్యను మించిపోయిన తీరు
- మరికొన్ని దేశాల్లో మాత్రం దారుణంగా లింగ నిష్పత్తి
దేశమేదైనా, ప్రాంతమేదైనా ఆడా, మగా సమానంగా ఉండటం అవసరం. ఎవరి సంఖ్య పెరిగినా, మరొకరికి ఇబ్బందిగా మారుతుంది. స్థానిక సంప్రదాయాలు, ఆచారాలు, వాతావరణం, మూఢ నమ్మకాలు వంటి ఎన్నో కారణాలతో పలు దేశాల్లో ఆడపిల్లల పట్ల వివక్ష కొనసాగింది. ఇటీవల పరిస్థితిలో చాలా వరకు మార్పు వచ్చినా... కొన్ని దేశాల్లో మాత్రం పరిస్థితి దారుణంగా ఉంది. పది మంది పురుషులకు నలుగురు స్త్రీలు కూడా లేని పరిస్థితి ఉంది. అయితే కొన్ని దేశాల్లో పురుషులతో పోలిస్తే స్త్రీల జనాభా గణనీయంగా ఎక్కువగా ఉండటం గమనార్హం. గత పదేళ్లలో ప్రపంచవ్యాప్తంగా కూడా స్త్రీల సంఖ్య పెరుగుతూ వస్తోంది కూడా. ఇటీవల ప్రపంచ బ్యాంకు విడుదల చేసిన నివేదికలో ఈ గణాంకాలను వెల్లడించింది.ప్రపంచవ్యాప్తంగా ఆయా దేశాల్లో స్త్రీల జనాభా శాతం | |
| దేశం | స్త్రీల జనాభా శాతం |
| నేపాల్ | 54.2% |
| హాంగ్ కాంగ్ | 54.1% |
| ఉక్రెయిన్ | 53.7% |
| రష్యా | 53.7% |
| పోర్చుగల్ | 52.7% |
| హంగరీ | 52.4% |
| శ్రీలంక | 52.7% |
| ఫ్రాన్స్, పోలాండ్ | 51.6% |
| కజకిస్తాన్ | 51.5% |
| రొమేనియా | 51.4% |
| థాయిలాండ్, ఇటలీ | 51.3% |
| అర్జెంటీనా, జపాన్ | 51.2% |
| ఉత్తర కొరియా, మెక్సికో | 51.2% |
| గ్రీస్, కొలంబియా, బ్రెజిల్ | 50.9% |
| దక్షిణాఫ్రికా, ఆస్ట్రియా, చిలీ | 50.7% |
| టర్కీ, యూకే, జర్మనీ | 50.6% |
| యూఎస్ఏ | 50.5% |
| స్విట్జర్లాండ్, కెనడా | 50.4% |
| ఇథియోపియా | 50% |
| దక్షిణ కొరియా, స్వీడన్ | 49.9% |
| అల్జీరియా, ఈజిప్ట్, నార్వే | 49.5% |
| బంగ్లాదేశ్ | 49.4% |
| చైనా, ఆఫ్ఘనిస్థాన్ | 48.7% |
| పాకిస్థాన్ | 48.5% |
| భారత్ | 48.0% |
| సింగపూర్ | 47.7% |
| సౌదీ అరేబియా | 42.2% |
| యూఏఈ | 30.9% |
| ఖతార్ | 24.8% |
