తిరుమల శ్రీవారికి రూ.2 కోట్ల ఆభరణం.. మాజీ చైర్మన్ మనవరాలు విరాళం

తిరుమల శ్రీవారికి రూ.2 కోట్ల విలువైన స్వర్ణాభరణం విరాళంగా అందింది. తిరుమల తిరుపతి దేవస్థానం (టీటీడీ) మాజీ చైర్మన్, దివంగత నేత డీకే ఆదికేశవులనాయుడు మనవరాలు చైతన్య ఈ విరాళం అందజేశారు. టీటీడీ చైర్మన్ బీఆర్ నాయుడు చేతుల మీదుగా స్వర్ణ వైజయంతీ మాలను స్వామి వారికి చైతన్య సమర్పించారు. ఈ ఆభరణాన్ని ఉత్సవమూర్తులకు అలంకరించనున్నట్లు టీటీడీ చైర్మన్ తెలిపారు. 

కాగా, ఇలాంటిదే మరో స్వర్ణ వైజయంతీ మాలను తిరుచానూరులోని పద్మావతీ అమ్మవారికి సమర్పించనున్నట్లు చైతన్య తెలిపారు. శుక్రవారం తిరుచానూరు అమ్మవారిని దర్శించుకుని విరాళం అందజేయనున్నట్లు వివరించారు.