Mr Beast: మిస్ట‌ర్ బీస్టా మజాకా.. బ‌ర్త్‌డే గిఫ్ట్‌గా ఫాలోవ‌ర్ల‌కు 26 టెస్లా కార్లు!

సోష‌ల్ మీడియాలో అత్య‌ధిక ఫాలోవ‌ర్ల‌ను క‌లిగిన ప్ర‌ముఖ ఇన్‌ఫ్లూయెన్స‌ర్ మిస్ట‌ర్ బీస్ట్ త‌న ఫాలోవ‌ర్ల‌కు అదిరిపోయే ఆఫ‌ర్ ఇచ్చారు. తాను 26వ యేట అడుగుపెడుతున్న క్ర‌మంలో టెస్లా కంపెనీకి చెందిన 26 కార్ల‌ను గిఫ్ట్‌గా ఇచ్చేందుకు రెడీ అయ్యారు. ఇందులో ఒక సైబ‌ర్ ట్ర‌క్ కూడా ఉంద‌ని ఆయ‌న తెలిపారు. దీనికి సంబంధించిన వీడియోను త‌న ఇన్‌స్టాగ్రామ్ అధికారిక ఖాతాలో పోస్ట్ చేశారు. ఆ పోస్ట్ కింద కామెంట్ చేసిన వారిలో  26 మందిని మిస్ట‌ర్ బీస్ట్ సెల‌క్ట్ చేసి, 26 కార్ల‌ను బ‌హుమ‌తిగా ఇవ్వ‌నున్నారు. 

ఇక జేమ్స్ స్టీఫెన్ డొనాల్డ్‌సన్ ఆన్‌లైన్‌లో మిస్టర్ బీస్ట్‌గా బాగా పాప్యుల‌ర్ అయ్యారు. ఆయ‌న‌ ఒక అమెరికన్ యూట్యూబర్. 254 మిలియన్లకు పైగా సబ్‌స్క్రైబర్‌లతో ఆయ‌న‌ యూట్యూబ్‌లో అత్యధికంగా సబ్‌స్క్రయిబ్ క‌లిగిన వ్యక్తిగా కొన‌సాగుతున్నారు. ఆయ‌న‌ 2012 ప్రారంభంలో 13 ఏళ్ల‌ వయస్సులో మిస్టర్ బీస్ట్ 6000 పేరిట మొద‌ట ఓ యూట్యూబ్ ఛానెల్ ప్రారంభించారు. ఆ త‌ర్వాత బీస్ట్ రియాక్ట్స్, మిస్టర్ బీస్ట్ గేమింగ్, మిస్టర్ బీస్ట్ 2 (గతంలో మిస్టర్ బీస్ట్ షార్ట్స్), అలాగే దాతృత్వ ఛానెల్ బీస్ట్ ఫిలాంత్రోపీని నడుపుతున్నారు.