BB Patil: బీజేపీ అభ్యర్థి బీబీ పాటిల్ బంధువు వాహనంలో రూ.1 లక్ష పట్టివేత

జహీరాబాద్ లోక్ సభ నియోజకవర్గం బీజేపీ అభ్యర్థి బీబీ పాటిల్ బంధువు వాహనంలో పోలీసులు నగదును పట్టుకున్నారు. బీబీ పాటిల్ 2014, 2019 పార్లమెంట్ ఎన్నికల్లో బీఆర్ఎస్ తరఫున పోటీ చేసి గెలిచారు. ఆయన ఇటీవల బీజేపీలో చేరి టిక్కెట్ దక్కించుకున్నారు. లోక్ సభ ఎన్నికల నేపథ్యంలో పోలీసులు వాహనాలను విస్తృతంగా తనిఖీ చేస్తున్నారు.

తనిఖీల్లో భాగంగా బీబీ పాటిల్ సోదరుని కుమారుడు అభినవ్ వాహనంలో నగదును గుర్తించారు. పూణే నుంచి టెక్మల్ వస్తుండగా అభినవ్ పాటిల్ వాహనాన్ని పోలీసులు తనిఖీ చేశారు. సరైన పత్రాలు లేకపోవడంతో ఆయన వద్ద ఉన్న రూ.1 లక్షను పోలీసులు స్వాధీనం చేసుకున్నారు.