Sachin Tendulkar: కశ్మీర్ రోడ్డుపై స్థానికులతో కలిసి క్రికెట్ ఆడిన సచిన్

క్రికెట్ దిగ్గజం సచిన్ టెండూల్కర్ జమ్మూకశ్మీర్ లో పర్యటిస్తున్న సంగతి తెలిసిందే. సచిన్ తొలిసారి కశ్మీర్ ట్రిప్ కు వెళ్లారు. ఈ సందర్భంగా గుల్మార్గ్ లోని రోడ్డుపై స్థానికులతో కలిసి ఆయన కాసేపు క్రికెట్ ఆడారు. సచిన్ వాహనంలో వెళ్తుండగా... ఒక వీధిలోని రోడ్డుపై కొందరు క్రికెట్ ఆడుతూ కనిపించారు. వారి వద్దకు వెళ్లిన సచిన్ నేనూ ఆడనా? అని అడిగారు. ఆ తర్వాత బ్యాట్ పట్టి కొన్ని బంతులు ఆడారు. దీనికి సంబంధించిన వీడియోను ఎక్స్ వేదికగా సచిన్ షేర్ చేశారు. 'స్వర్గంలో ఒక మ్యాచ్' అని వీడియోకు క్యాప్షన్ పెట్టారు.