Prabhas: 'రాజా సాబ్' మామూలుగా ఉండదన్న మారుతి!

ప్రభాస్ కథానాయకుడిగా దర్శకుడు మారుతి 'రాజా సాబ్' సినిమా చేస్తున్నారు. ఇటీవలే ఈ సినిమా నుంచి ప్రభాస్ పోస్టర్ ఒకటి వదిలారు. అంతకుమించి ఈ సినిమాకి సంబంధించిన అప్ డేట్స్ ఏవీ బయటికి వదల్లేదు. ఈ ప్రాజెక్టును గురించి అటు ప్రభాస్ గానీ, ఇటు మారుతిగాని ఎక్కడా ఏమీ మాట్లాడలేదు. అంతా సైలెంట్ గా జరుగుతూ వెళ్లింది. 

తాజాగా మారుతి మాట్లాడుతూ .. "చాలా చిన్న చిన్న సినిమాలతో నా కెరియర్ మొదలైంది. అలాంటి నేను ప్రభాస్ సినిమా .. అందునా పాన్ ఇండియా సినిమా చేసే స్థాయికి రావడం నిజంగా నాకు ఆనందాన్ని కలిగించే విషయం. నాకు వచ్చిన ఈ అవకాశాన్ని .. నాపై ప్రభాస్ ఉంచిన నమ్మకాన్ని నిలబెట్టుకోవడానికే ట్రై చేస్తున్నాను" అని చెప్పారు. 

" ఈ సినిమాను గురించి నేను మాటల్లో చెప్పాలనుకోవడం లేదు .. చేతల్లో చూపించాలనుకుంటున్నాను. ఒకటి మాత్రం చెబుతాను. ఈ సినిమా విజువల్స్ గురించి .. యాక్షన్ సీన్స్ గురించి చాలా కాలం మాట్లాడుకుంటారు" అని అన్నారు. వందల కోట్ల బడ్జెట్ లో వరుస సినిమాలు చేస్తూ వెళుతున్న ప్రభాస్, ఆ స్థాయికి కాస్త తక్కువగా ఉన్న ఈ ప్రాజెక్టును సెట్ చేసుకుని చాలామందిని ఆశ్చర్యపరిచాడు. మరి అంతగా ఈ కంటెంట్లో ఏముందనేది చూడాలి.