sajjanar: సంక్రాంతి ప్రత్యేక బస్సుల్లోనూ మహిళలకు ఉచిత ప్రయాణం: ఆర్టీసీ ఎండీ సజ్జనార్

సంక్రాంతి పర్వదినం సందర్భంగా దాదాపు నాలుగున్నర వేల ప్రత్యేక బస్సులను నడపనున్నట్లు టీఎస్ఆర్టీసీ ఎండీ సజ్జనార్ శుక్రవారం తెలిపారు. ఈ బస్సులలో కూడా మహిళలకు ఉచిత ప్రయాణ సౌకర్యం కల్పిస్తామని స్పష్టం చేశారు. సంక్రాంతి సందర్భంగా ఏర్పాట్లపై ఆయన సమీక్ష నిర్వహించారు. ఈ సందర్భంగా మాట్లాడుతూ... పండుగ కోసం 4,484 ప్రత్యేక బస్సులను నడుపుతున్నట్లు తెలిపారు. ఇందులో 626 సర్వీసులకు ముందస్తు రిజర్వేషన్ సౌకర్యం ఉంటుందని తెలిపారు. ఇక ఈ ప్రత్యేక బస్సులలో కూడా మహిళలకు ఉచిత ప్రయాణ సౌకర్యం కల్పిస్తున్నట్లు తెలిపారు.