CM Jagan: శాసనమండలి డిప్యూటీ చైర్ పర్సన్ జకియా ఖానమ్ కుమారుడి వివాహ వేడుకకు విచ్చేసిన సీఎం జగన్

ఏపీ సీఎం జగన్ ఇవాళ అన్నమయ్య జిల్లా రాయచోటి విచ్చేశారు. రాష్ట్ర శాసనమండలి చైర్ పర్సన్ జకియా ఖానమ్ కుమారుడి వివాహ వేడుకకు హాజరయ్యారు. రాయచోటిలోని అభి అండ్ సుధా కన్వెన్షన్ హాల్లో ఈ వివాహ వేడుక జరిగింది. సీఎం రాకతో కన్వెన్షన్ హాల్లో భారీ కోలాహలం నెలకొంది. సీఎం జగన్ వరుడు మయానా ముషారఫ్ అలీఖాన్, వధువు ఖయంఖానీ మిస్సా ఖానమ్ లకు పుష్పగుచ్ఛం అందించి శుభాకాంక్షలు చెబుతూ, ఆశీర్వదించారు. ఈ వివాహ కార్యక్రమానికి వైసీపీ ఎంపీ మిథున్ రెడ్డి తదితర నేతలు కూడా హాజరయ్యారు. అంతేకాదు, రాయచోటిలో మాజీ ఎంపీపీ గౌస్ మహ్మద్ రఫీ కుటుంబ సభ్యుల వివాహ వేడుకకు కూడా సీఎం జగన్ హాజరై వధూవరులను ఆశీర్వదించారు.