Sathyam Rajesh: 'మా ఊరి పొలిమేర 2' ట్రైలర్ లాంచ్ ఈవెంట్ .. చీఫ్ గెస్టులు వీరే!

కరోనా సమయంలో ఓటీటీ ద్వారా విడుదలై అనూహ్యమైన రెస్పాన్స్ ను తెచ్చుకున్న సినిమాలలో 'మా ఊరి పొలిమేర' ఒకటి. సత్యం రాజేశ్ .. కామాక్షి భాస్కర్ల ... బాలాదిత్య ప్రధానమైన పాత్రలను పోషించిన ఆ సినిమాకి అనిల్ విశ్వనాథ్ దర్శకత్వం వహించాడు. 'సత్యం' రాజేశ్ కెరియర్లో ఈ సినిమా చెప్పుకోదగినదిగా నిలిచింది. 

గ్రామీణ నేపథ్యంలో .. క్షుద్రపూజల చుట్టూ తిరిగే ఈ కథ .. కథలోని ట్విస్టులు ఆడియన్స్ లో ఆసక్తిని రేకెత్తించాయి. అందువలన ఆ సినిమాకి సీక్వెల్ గా 'మా ఊరి పొలిమేర 2'ను రూపొందించారు. గౌరీకృష్ణ నిర్మించిన ఈ సినిమాను నవంబర్ 3వ తేదీన విడుదల చేయనున్నారు. ప్రస్తుతం అందుకు సంబంధించిన సన్నాహాలు జరుగుతున్నాయి. 

ఈ నేపథ్యంలో ఈ సినిమా నుంచి రేపు ట్రైలర్ ను లాంచ్ చేయనున్నారు. ట్రైలర్ లాంచ్ ఈవెంటును హైదరాబాద్ - AAA సినిమాస్ .. స్క్రీన్ 4లో ఉదయం 10 గంటలకు నిర్వహించనున్నారు. ముఖ్య అతిథులుగా దర్శకుడు హరీశ్ శంకర్ .. నిర్మాత బన్నీవాసు .. హీరో కార్తికేయ హాజరుకానున్నారు. అందుకు సంబంధించిన అధికారిక పోస్టర్ ను కొంతసేపటి క్రితమే రిలీజ్ చేశారు.