Mona Singh: 'నెట్ ఫ్లిక్స్' ఫ్లాట్ ఫామ్ పైకి 'కాలాపాని' సిరీస్!

'కాలాపాని' సినిమా చూసిన తరువాత, అక్కడి జైలు .. ఒకప్పుడు అక్కడి ఖైదీలను శిక్షించే తీరు గురించిన ఒక అవగాహన చాలామందికి వచ్చింది. మోహన్ లాల్ - ప్రభు కథానాయకులుగా నటించిన ఈ సినిమాకి ప్రియదర్శన్ దర్శకత్వం వహించాడు. ఆయన కెరియర్లో చెప్పుకోదగిన సినిమాలలో ఇది ఒకటిగా నిలిచింది. 

ఇప్పుడు అదే టైటిల్ తో నెట్ ఫ్లిక్స్ ఒక వెబ్ సిరీస్ ను అందించనుంది. అండమాన్ - నికోబార్ ప్రాంతంలోని సెల్యులార్ జైలు చుట్టూ ఈ కథ తిరగనుంది. సమీర్ సక్సేనా దర్శక నిర్మాతగా వ్యవహరించిన ఈ సిరీస్ ఈ నెల 18వ తేదీ నుంచి స్ట్రీమింగ్ కానుంది. అందుకు సంబంధించిన అధికారిక ప్రకటన కూడా వచ్చేసింది. 

ఈ సిరీస్ కి సంబంధించిన ట్రైలర్ అందరిలో ఆసక్తిని రేకెత్తిస్తోంది. సముద్రం .. దట్టమైన అడవులు .. భయంకరమైన ఆటవికుల నేపథ్యంలో ఈ కథ  ఉత్కంఠను పెంచుతోంది. మోనా సింగ్ .. అశుతోష్ గోవారికర్ .. అమీ వాఘ్ .. సుకాంత్ గోయెల్ .. వికాస్ కుమార్ .. ఆరుషి శర్మ .. ముఖ్యమైన పాత్రలలో కనిపించనున్నారు. మరి ఈ సిరీస్ ఏ స్థాయిలో మెప్పిస్తుందో చూడాలి.