భారత్ తో బంధం ముఖ్యమే.. కానీ మా సార్వభౌమత్వం మాకు మరింత ముఖ్యం: కెనడా రక్షణ శాఖ మంత్రి
- నిజ్జర్ హత్యపై స్పందించిన కెనడా రక్షణ మంత్రి
- ఆరోపణలు నిజమైతే తమ సార్వభౌమత్వానికి భంగం కలిగినట్లేనని వ్యాఖ్య
- నిష్పాక్షికంగా విచారణ జరిపించాల్సిన అవసరం ఉందన్న బిల్ బ్లెయిర్
భారత్ పై బహిరంగంగా ఆరోపణలు చేయడానికి ముందు కెనడా ప్రధాని వద్ద విశ్వసనీయ సమాచారం ఉందని అమెరికా దౌత్యాధికారి డేవిడ్ కోహెన్ పేర్కొన్నారు. ‘ఫైవ్ ఐస్’ భాగస్వామ్య దేశాల నుంచి ఆయనకు సమాచారం అందిందని, ఆ తర్వాతే ట్రూడో ఈ సంచలన ఆరోపణలు చేశారని వివరించారు. దీనికి సంబంధించిన ఆధారాలను భారత్ కు చాలా వారాల క్రితమే అందించామని ట్రూడో చెప్పిన విషయాన్ని గుర్తుచేశారు. అయితే, ఈ ఆరోపణలను భారత ప్రభుత్వం కొట్టిపారేసింది. నిజ్జర్ హత్యలో భారత ఏజెంట్ల పాత్రపై కెనడా నుంచి ఎలాంటి ఆధారాలు అందలేదని స్పష్టం చేసింది. రాజకీయ ప్రేరేపిత విద్వేష నేరాలు ఆ దేశంలో సర్వసాధారణమేనని విదేశాంగ శాఖ విమర్శించింది.
