Asia Cup: ఆసియాకప్: కొలంబోలో వారంపాటు భారీ వర్షాలు.. మరో వేదికకు మ్యాచ్‌ల తరలింపు!
- వచ్చే వారంపాటు కొలంబోలో భారీ వర్షాలు కురుస్తాయన్న వాతావరణశాఖ
- ఈ నెల 9 నుంచి ఐదు సూపర్-4 మ్యాచ్‌లు కొలంబోలోనే
- దంబుల్లా లేదంటే పల్లెకెలెకు తరలించాలని యోచిస్తున్న ఏసీసీ
- చర్చలు జరుగుతున్నాయన్న బీసీసీఐ
ఆసియాకప్‌లో భాగంగా కొలంబోలో జరగాల్సిన మ్యాచ్‌లను మరో వేదికకు తరలించాలని ఆసియా క్రికెట్ కౌన్సిల్ (ఏసీసీ) నిర్ణయించినట్టు తెలుస్తోంది. వచ్చే వారంపాటు కొలంబోలో భారీ వర్షాలు కురిసే అవకాశం ఉందని వాతావరణశాఖ హెచ్చరికలు జారీ చేసింది. ఈ నేపథ్యంలో అక్కడ జరగాల్సిన సూపర్ ఫోర్ మ్యాచ్‌లను మరో స్టేడియంలో నిర్వహించాలని సూచనప్రాయంగా నిర్ణయం తీసుకున్నట్టు సమాచారం.
ఈ నెల 9 నుంచి ఐదు సూపర్-4 మ్యాచ్‌లు కొలంబోలో జరగాల్సి ఉంది. వర్షాలు కురవనున్నాయన్న హెచ్చరికలతో అప్రమత్తమైన ఏసీసీ వాటిని దంబుల్లాలోకానీ, లేదంటే పల్లెకెలోలో కానీ నిర్వహించాలని యోచిస్తోంది. ఈ విషయమై ఇంకా చర్చలు జరుగుతున్నట్టు బీసీసీఐ వర్గాలు తెలిపాయి.
