అభిమానులతో కలిసి పుట్టినరోజు వేడుకలు జరుపుకున్న ఉపాసన... ఫొటోలు ఇవిగో!

గ్లోబల్ స్టార్ రామ్ చరణ్ అర్ధాంగి ఉపాసన కొణిదెల నేడు (జులై 20) పుట్టినరోజు జరుపుకుంటున్నారు. ఈసారి ఆమె అభిమానుల మధ్య పుట్టినరోజు జరుపుకోవడం విశేషం. హైదరాబాదులోని ఐటీసీ హోటల్లో ఉపాసన అభిమానులను కలుసుకున్నారు. వారు ఉత్సాహంతో కేరింతలు కొడుతుండగా కేక్ కట్ చేసి మురిసిపోయారు. 

ఈ సందర్భంగా అభిమానులు ఉపాసనకు జన్మదిన శుభాకాంక్షలు తెలుపగా, ఆమె వారందరికీ ధన్యవాదాలు తెలిపారు. అందరితో ఫొటోలకు పోజులిస్తూ, ఉపాసన ఉల్లాసంగా గడిపారు. దీనికి సంబంధించిన ఫొటోలు ఆకట్టుకుంటున్నాయి. 

ఇటీవలే బిడ్డకు జన్మనిచ్చిన ఉపాసన... తల్లి అయిన తర్వాత చేసుకుంటున్న తొలి పుట్టినరోజు ఇదే. ఇలా అభిమానుల మధ్య జన్మదిన వేడుకలు చేసుకోవడాన్ని ఆమె ఎంతగానో ఆస్వాదించారు.