మొత్తానికి బాయ్‌ఫ్రెండ్ ముఖాన్ని ప్రపంచానికి చూపించిన నటి ఇలియానా

ఇటీవల ప్రెగ్నెంట్ అయిన నటి ఇలియానా ఎప్పటికప్పుడు తన బేబీ బంప్ ఫొటోలను అభిమానులతో పంచుకుంటున్నారు. ఈ క్రమంలో తన బాయ్‌ఫ్రెండ్ ఫొటోలను కూడా షేర్ చేస్తున్నప్పటికీ ముఖాన్ని మాత్రం కనిపించకుండా దాచిపెడుతున్నారు. దీంతో ఆయన ఎవరై ఉంటారన్న చర్చ విస్తృతంగా సాగింది. ఈ క్రమంలో చాలామంది పేర్లు తెరపైకి వచ్చాయి. అయినప్పటికీ ఫొటోలను షేర్ చేయడం మాత్రం ఆపలేదు. దీంతో ఆ మిస్టరీ మ్యాన్‌‌ గురించి తెలుసుకోవాలన్న ఆసక్తి అందరికీ పెరిగింది.

తాజాగా ఈ దాగుడుమూతలకు ఇలియానా తెరదించారు. ఇన్‌స్టాగ్రామ్ స్టోరీస్‌లో తన జీవితంలోకి వచ్చిన ఆ వ్యక్తి ముఖాన్ని రివీల్ చేశారు. బ్లాక్ షర్ట్ ధరించి, గడ్డంతో వ్యక్తితో సన్నిహితంగా ఉన్న ఫొటోలను షేర్ చేశారు. అయితే, ఆయనకు సంబంధించిన వివరాలను మాత్రం వెల్లడించలేదు. గతంలోనూ తన లైఫ్‌పార్ట్‌నర్‌కు సంబంధించిన ఫొటోలను షేర్ చేసినప్పటికీ ముఖాన్ని మాత్రం దాచిపెట్టారు.