కోల్‌కతా రైలులో జుట్టు పట్టుకొని చెప్పులతో కొట్టుకున్న మహిళలు

కోల్‌కతా లోకల్ రైలులో కొందరు మహిళలు జుట్టు పట్టుకొని ఒకరిపై ఒకరు చెప్పులతో దాడి చేసుకున్న సంఘటన చోటు చేసుకుంది. ఇందుకు సంబంధించిన వీడియోను ఆయుషి అనే మహిళ కోల్‌కతా లోకల్ పేరుతో సామాజిక అనుసంధాన వేదిక ట్విట్టర్ లో పోస్ట్ చేయగా, సోషల్ మీడియాలో చక్కర్లు కొడుతోంది. జులై 11న ఈ వీడియో పోస్ట్ చేయగా, దాదాపు 30వేల మంది నెటిజన్లు వీక్షించారు. ఈ వీడియో ప్రకారం ఇద్దరు మహిళలు ఒకవైపు ఉండగా, మిగిలిన వారు మరోవైపు ఉన్నట్లుగా ఉంది.

లోకల్ రైలులోని లేడీస్ కంపార్టుమెంట్ లో మహిళలు గొడవ పడుతున్నట్లుగా ఈ వీడియోలో ఉంది. ఆ మహిళలు అరవడం, కేకలు వేయడం.. ఒకరిపై మరొకరు చెప్పులతో, పిడికిలి బిగించి కొట్టుకోవడం ఆ వీడియోలో ఉంది. ఒకరి జుట్టును మరొకరు లాగుతున్నట్లుగా కూడా వీడియోలో ఉంది. వారి ప్రవర్తనను చూసిన కొంతమంది ఆపడానికి ప్రయత్నించినప్పటికీ ఎవరూ వినలేదు. రైలులో ఈ గొడవకు గల కారణాలు వెల్లడి కాలేదు.

ఈ ఘటనపై నెటిజన్లు తమదైన శైలిలో స్పందిస్తున్నారు. రైలులో ఉచిత డబ్ల్యుడబ్ల్యుఈ అని ఒకరు, క్లినిక్ ప్లస్ న్యూ యాడ్ అని మరొకరు, గతంలో ముంబైలోనూ ఇలాంటి సంఘటన జరిగిందని ఇంకో నెటిజన్ కామెంట్లు పెట్టారు.