Khushbu: ఆసుపత్రిలో చికిత్స పొందుతున్నట్లు ట్వీట్ చేసిన ఖుష్బూ

జాతీయ మహిళా కమిషన్ సభ్యురాలు, ప్రముఖ నటి ఖుష్బూ ఆసుపత్రిలో చేరారు. టెయిల్ బోన్ చికిత్స పొందుతున్నట్లు ఆమె సామాజిక అనుసంధాన వేదిక ట్విట్టర్ ద్వారా తెలిపారు. ఈ మేరకు ఆమె ఓ ఫోటోను కూడా షేర్ చేశారు. అందులో ఆసుపత్రి బెడ్ పైన పడుకొని ఉన్నారు. కొక్కిక్స్ బోన్ ట్రీట్మెంట్ కోసం మళ్లీ ఆసుపత్రికి వచ్చానని, ప్రస్తుతం కోలుకుంటున్నానని తెలిపారు. త్వరలోనే పూర్తిగా నయమవుతుందని ఆశిస్తున్నానని పేర్కొన్నారు.