Raviteja: 'ధమాకా' డైరెక్టర్ కి మరో ఛాన్స్ ఇచ్చిన మాస్ మహారాజ్!

రవితేజ తనకి హిట్ ఇచ్చిన దర్శకులకు మరో ఛాన్స్ ఇస్తూ వెళుతున్నాడు. ఇంతకుముందు కూడా ఆయన ఇదే పద్ధతిని ఫాలో అవుతూ వచ్చినవాడే. 'డాన్ శీను' .. 'బలుపు' .. 'క్రాక్' ఇలా రవితేజ - గోపీచంద్ మలినేని కాంబినేషన్లో వరుస సినిమాలు రావడానికి కారణం ఇదే. ఈ మూడు సినిమాలతో వీళ్లు హ్యాట్రిక్ అందుకున్నారు.

అందువల్లనే ఇప్పుడు ఈ ఇద్దరూ కలిసి మరోసారి సెట్స్ పైకి వెళ్లడానికి సన్నాహాలు చేసుకుంటున్నారు. ఈ సినిమాలో కథానాయికగా శ్రీలీలను తీసుకోవడం విశేషం. 'ధమాకా' తరువాత ఈ ఇద్దరూ కలిసి నటించే సినిమా ఇది. ఇక 'ధమాకా'తో మాస్ హిట్ ఇచ్చిన నక్కిన త్రినాథ రావుకి రవితేజ మరో ఛాన్స్ ఇచ్చాడు. 

ఈ సినిమాకి కథ ... మాటలు త్రినాథరావు సిద్ధం చేసుకున్నారట. ఆల్రెడీ ఆయన రవితేజకి కథను వినిపించడం .. ఆయన గ్రీన్ సిగ్నల్ ఇవ్వడం జరిగిపోయాయని అంటున్నారు. ఈ సినిమాకి దిల్ రాజు నిర్మాతగా వ్యవహరిస్తాడని సమాచారం. ఇక కథానాయికగా ఎవరిని తీసుకుంటారనేది చూడాలి. బయటమాత్రం కీర్తి సురేశ్ ను తీసుకునే ఛాన్స్ ఉందనే టాక్ నడుస్తోంది.