Upasana: రేపు బిడ్డకు జన్మనివ్వనున్న ఉపాసన!

మెగాస్టార్ చిరంజీవి నివాసంలో మూడోతరం రాకకు రేపు శుభముహూర్తమని తెలుస్తోంది. రామ్ చరణ్, ఉపాసన దంపతులు రేపు (జూన్ 20) తమ తొలి సంతానాన్ని స్వాగతించనున్నారు. ఉపాసన మంగళవారం నాడు బిడ్డకు జన్మనివ్వనున్నట్టు తెలుస్తోంది. ఈ  మేరకు అఖిల భారత చిరంజీవి యువత అధ్యక్షుడు రవణం స్వామినాయుడు ట్విట్టర్ లో పేర్కొన్నారు.  

రామ్ చరణ్, ఉపాసన ఇటీవల పెళ్లిరోజు జరుపుకున్నారు. ఈ జోడీ 2012 జూన్ 14న పెళ్లితో ఒక్కటయ్యారు. ఇన్నాళ్లకు తొలి బిడ్డకు జన్మనిస్తూ తల్లిదండ్రుల హోదా అందుకోబోతున్నారు. ఉపాసన గర్భవతి అని తెలిసినప్పటి నుంచే మెగా ఫ్యామిలీలో సంతోషం ఉప్పొంగుతోంది.