Parliament: మరి కాసేపట్లో పార్లమెంట్ నూతన భవనం ప్రారంభోత్సవం

భారత ప్రజాస్వామ్య ప్రయాణంలో మరికాసేపట్లో ఓ కొత్త అధ్యాయం ప్రారంభం కానుంది. ప్రధాని నరేంద్ర మోదీ నూతన పార్లమెంటును ప్రారంభించనున్నారు. నేడు ఉదయం 7.15 గంటలకు ఈ కార్యక్రమం ప్రారంభం అవుతుంది. 

ప్రారంభోత్సవ షెడ్యూల్ ఇదీ

• ఉదయం 7.15: పార్లమెంటు ప్రధాన ద్వారం నుంచి మోదీ ప్రవేశం
• 7.30 నుంచి 8.30: వివిధ పూజా కార్యక్రమాలు, అనంతరం లోక్‌సభ ప్రవేశం
• మధ్యాహ్నం 12.00:  పార్లమెంటు భవన ప్రారంభ వేడుక
• 12.10: రాజ్యసభ డిప్యూటీ ఛైర్మన్ స్వాగతోపన్యాసం, ఆ తరువాత రాష్ట్రపతి, ఉపరాష్ట్రపతుల ప్రసంగాలను ఆయన చదివి వినిపిస్తారు.
• 12.43: లోక్‌సభ స్పీకర్ ప్రసంగం,
• 1.05: ప్రధాని చేతుల మీదుగా ప్రత్యేక నాణెం, తపాలా బిళ్ల ఆవిష్కరణ
• 1.10: ప్రధాని ప్రసంగం

ఈ కార్యక్రమంలో 18 ఎన్డీయే పార్టీలు, వైసీపీ, టీడీపీ సహా 5 నాన్ ఎన్డీఏ పార్టీలు హాజరవుతున్నాయి. కాంగ్రెస్ సహా 20 ప్రతిపక్ష పార్టీలు ఈ కార్యక్రమాన్ని బహిష్కరించాయి.