samantha: ఆంగ్ల చిత్రానికి ఓకే చెప్పిన సమంత

సమంత క్రేజ్ నానాటికీ పెరిగిపోతోంది. మొన్నటి దాకా దక్షిణాదిలో టాప్ హీరోయిన్లలో ఒకరిగా ఉన్న సమంతకు ఇప్పుడు నార్త్ లో కూడా అభిమానులు విపరీతంగా పెరిగిపోతున్నారు. 36 ఏళ్ల సమంత ఇప్పుడు ఓ అంతర్జాతీయ చిత్రంలో నటించనుంది. 'చెన్నై స్టోరీ' అనే ఆంగ్ల చిత్రంలో నటించబోతోంది. ఈ సినిమాలో ఇంగ్లాండ్ కు చెందిన వివేక్ కల్రా హీరోగా నటించనున్నాడు. ఫిలిప్ జాన్ దర్శకత్వం వహించనున్నాడు. ఇంగ్లాండ్ కు చెందిన యువకుడికి, చెన్నైకు చెందిన యువతికి మధ్య జరిగే ప్రేమ కథగా ఈ చిత్రం ఉంటుంది. త్వరలోనే ఈ సినిమా షూటింగ్ ప్రారంభం కానుంది. మరోవైపు విజయ్ దేవరకొండ, సమంత జంటగా 'ఖుషి' చిత్రం తెరకెక్కుతున్న సంగతి తెలిసిందే. హాలీవుడ్ వెబ్ సిరీస్ 'సిటాడెల్' హిందీ వర్షన్ లో కూడా సమంత నటిస్తోంది.