అమ్మకు కొడుకేగా.. భువనేశ్వరికి షూ లేస్ కట్టిన నారా లోకేశ్.. వీడియో వైరల్

టీడీపీ యువనేత నారా లోకేశ్ పాదయాత్ర 100వ రోజుకు చేరుకుంది. యాత్రలో టీడీపీ శ్రేణులు ఉత్సాహంగా పాల్గొంటున్నారు. మండుటెండలను సైతం లెక్క చేయకుండా కదలివస్తూ లోకేశ్ కు సంఘీభావాన్ని ప్రకటిస్తున్నారు. మరోవైపు లోకేశ్ కుటుంబసభ్యులు కూడా ఈరోజు పాదయాత్రకు తరలివచ్చారు. ఆయనతో కలిసి నడిచారు. ఈ సందర్భంగా తన తల్లి భువనేశ్వరి షూ లేస్ ఊడిపోయింది. ఇది గమనించిన లోకేశ్ తన తల్లి షూ కు లేస్ కట్టారు. దీనికి సంబంధించిన వీడియో ఇప్పుడు వైరల్ అవుతోంది.