వాడు క్రిమినల్ లాయర్ కాదు .. లా చదివిన క్రిమినల్: 'రావణాసుర' ట్రైలర్ డైలాగ్!

రవితేజ తెరపై కనిపిస్తే ఓ సరదా .. ఓ సందడి. అలాంటి రవితేజ కాస్త వైలెంట్ గా కనిపిస్తే ఒకింత ఆశ్చర్యానికి లోను కావడం సహజమే. అలా తన స్టయిల్ కి భిన్నంగా నెగెటివ్ షేడ్స్ తో ఆయన చేసిన సినిమానే 'రావణాసుర'. ఈ సినిమా నుంచి ఇంతవరకూ వదిలిన అప్ డేట్స్ కి అనూహ్యమైన రెస్పాన్స్ వస్తోంది. 

అభిషేక్ నామా నిర్మించిన ఈ సినిమాకి రవితేజ కూడా నిర్మాణ భాగస్వామిగా ఉన్నాడు. సుధీర్ వర్మ దర్శకత్వం వహించిన ఈ సినిమా, ఏప్రిల్ 7వ తేదీన భారీ స్థాయిలో విడుదల కానుంది. ఈ నేపథ్యంలో కొంతసేపటి క్రితం ఈ సినిమా నుంచి ట్రైలర్ ను రిలీజ్ చేశారు. లవ్ .. కామెడీ .. యాక్షన్ తో కూడిన సన్నివేశాలపై కట్ చేసిన ఈ ట్రైలర్ ఆకట్టుకుంటోంది. 'వాడు క్రిమినల్ లాయర్ కాదు .. లా చదివిన క్రిమినల్' అనే డైలాగ్ ఈ ట్రైలర్ కి హైలైట్.  

హర్షవర్ధన్ రామేశ్వర్ సంగీతాన్ని సమకూర్చిన ఈ సినిమాలో, అనూ ఇమ్మాన్యుయేల్ .. మేఘ ఆకాశ్ .. ఫరియా అబ్దుల్లా .. దక్ష నగార్కర్ .. పూజిత పొన్నాడ కథానాయికలుగా అలరించనున్నారు. రావు రమేశ్ .. సంపత్ రాజ్ .. మురళీ శర్మ ఇతర ముఖ్యమైన పాత్రలలో కనిపించనున్నారు.