Mahesh Babu: మహేశ్ బాబు-త్రివిక్రమ్ చిత్రం రిలీజ్ డేట్ వచ్చేసింది!

టాలీవుడ్ సూపర్ స్టార్ మహేశ్ బాబు, మాటల మాంత్రికుడు త్రివిక్రమ్ శ్రీనివాస్ దర్శకత్వంలో వస్తున్న కొత్త చిత్రం రిలీజ్ డేట్ ఫిక్స్ అయింది. ఈ సినిమా 2024 సంక్రాంతి బరిలో రిలీజ్ కానుంది. ఎస్ఎస్ఎంబీ28 అనే వర్కింగ్ టైటిల్ తో రూపుదిద్దుకుంటున్న ఈ చిత్రం వచ్చే ఏడాది జనవరి 13న ప్రపంచ వ్యాప్తంగా విడుదల కానుంది. ఈ మేరకు చిత్రబృందం రిలీజ్ డేట్ పోస్టర్ ను విడుదల చేసింది. దమ్ము లాగుతూ మాంచి క్రిస్పీ లుక్ తో ఉన్న మహేశ్ బాబును ఈ పోస్టర్ లో చూడొచ్చు. 

కాగా, శ్రీరామనవమి (మార్చి 30) సందర్భంగా ఈ సినిమా టైటిల్ అనౌన్స్ మెంట్ ఉంటుందని ప్రచారం జరుగుతోంది. హారిక అండ్ హాసిని క్రియేషన్స్ బ్యానర్ పై ఎస్.రాధాకృష్ణ తెరకెక్కిస్తున్న ఈ చిత్రంలో మహేశ్ బాబు సరసన పూజా హెగ్డే, శ్రీలీల నటిస్తున్నారు. 

మహేశ్ బాబు, త్రివిక్రమ్ కాంబినేషన్ లో గతంలో అతడు, ఖలేజా చిత్రాలు వచ్చాయి. ఈ ఇద్దరి కలయికలో వస్తున్న ఈ మూడో చిత్రంపై భారీ అంచనాలు నెలకొన్నాయి. ఎస్ఎస్ఎంబీ28 చిత్రానికి తమన్ సంగీతం అందిస్తున్నాడు.