US Consulate General: హైదరాబాదులో మరో చోటికి యూఎస్ కాన్సులేట్ కార్యాలయం తరలింపు

తెలుగు రాష్ట్రాలకు సంబంధించి హైదరాబాదులో ఏర్పాటైన యూఎస్ కాన్సులేట్ జనరల్ కార్యాలయం మరో చోటికి తరలిపోతోంది. మార్చి 20 నుంచి కొత్త కార్యాలయంలో సేవలు అందించనున్నట్టు యూఎస్ కాన్సులేట్ ఓ ప్రకటనలో వెల్లడించింది. సర్వే నెం.115/1, ఫైనాన్షియల్ డిస్ట్రిక్ట్, నానక్ రామ్ గూడ, హైదరాబాద్, తెలంగాణ-500032... ఇదే తమ కొత్త అడ్రస్ అని వివరించింది. 

ప్రస్తుతం యూఎస్ కాన్సులేట్ కార్యాలయం బేగంపేటలోని పైగా ప్యాలెస్ లో ఉంది. తరలింపు నేపథ్యంలో, ఈ నెల 15 నుంచి 20వ తేదీ ఉదయం 8.30 గంటల వరకు కాన్సులేట్ సేవలు అందుబాటులో ఉండవని అమెరికా దౌత్య వర్గాలు పేర్కొన్నాయి.