Upandra: ఉపేంద్ర హీరోగా 'కబ్జా' .. రిలీజ్ డేట్ ఖరారు!

చాలా కాలం క్రితమే కన్నడలో తాను హీరోగా చేసిన సినిమాలు తెలుగులో విడుదలయ్యేలా ఉపేంద్ర చూసుకున్నాడు. ఇక నేరుగా తెలుగు సినిమాలు కూడా చేశాడు. ఆయన సినిమాలు ఒక ప్రత్యేకమైన వర్గానికి చెందిన ప్రేక్షకులకు నచ్చుతాయి. హీరోగా .. విలన్ గా .. కేరక్టర్ ఆర్టిస్టుగా ఇప్పటికీ ఆయన బిజీగా ఉన్నాడు. 

ఆయన తాజా చిత్రంగా 'కబ్జ' రూపొందింది. పోస్టర్స్ దగ్గర నుంచే ఈ సినిమా అందరిలో ఆసక్తిని పెంచుతూ వెళుతోంది. ఆనంద్ పాండియన్ నిర్మించిన ఈ సినిమాకి చంద్రు దర్శకత్వం వహించాడు. కిచ్చా సుదీప్ .. శ్రియ ఇతర ప్రధానమైన పాత్రలలో నటించారు. భారీ బడ్జెట్ తో నిర్మితమైన ఈ సినిమాకి రవి బస్రూర్ సంగీతాన్ని సమకూర్చాడు. 

తాజాగా ఈ సినిమా రిలీజ్ డేట్ ను ప్రకటించారు. మార్చి 17వ తేదీన ఈ సినిమాను ప్రపంచవ్యాప్తంగా విడుదల చేయనున్నారు. ఈ విషయాన్ని తెలియజేస్తూ అందుకు సంబంధించిన పోస్టర్ ను అధికారికంగా రిలీజ్ చేశారు. కోట .. పోసాని .. సముద్రఖని .. మురళీశర్మ వంటి భారీ తారాగణం ఈ సినిమాలో కనిపించనుంది.