Andhra Pradesh: కొత్త అప్పులకు ఏపీకి అనుమతినిచ్చిన కేంద్రం!

మరిన్ని రుణాలు తెచ్చుకునేందుకు ఆంధ్రప్రదేశ్ ప్రభుత్వానికి కేంద్రం గ్రీన్  సిగ్నల్ ఇచ్చింది. అయితే, ఆశించిన మేర రుణాలకు అనుమతి లభించలేదు. ఈ ఆర్థిక సంవత్సరంలో రూ.4,557 కోట్ల రుణాలకు మాత్రమే అనుమతినిచ్చింది. ఫలితంగా ఈ అప్పుతోనే మరో మూడు నెలలు సరిపెట్టుకోవాల్సి ఉంటుంది. తాజా రుణాలతో కలిపి ఈ ఆర్థిక సంవత్సరంలో ఏపీకి మొత్తం రూ. 49,860 కోట్ల బహిరంగ మార్కెట్ రుణాలకు కేంద్రం అనుమతులిచ్చింది. ఈ మొత్తం రుణాల్లో రాష్ట్ర ప్రభుత్వం ఇప్పటికే రూ. 45,303 కోట్లను వినియోగించుకుంది. మిగిలిన రూ. 4,557 కోట్లకు కేంద్రం తాజాగా అనుమతులు ఇస్తూ ఉత్తర్వులు జారీ చేసింది.

ఈ ఆర్థిక సంవత్సరం చివరి మూడు నెలలకు రూ. 21 వేల కోట్లు కావాలని ఏపీ ప్రభుత్వం కేంద్రాన్ని కోరింది. ఇందుకోసం పలు వాదనలను కేంద్ర ఆర్థికశాఖ దృష్టికి తీసుకెళ్లింది. అయితే, కేంద్రం మాత్రం రూ. 4,557 కోట్ల  రుణాలకు మాత్రమే అనుమతినిచ్చింది.