Sonali Bendre: కొత్త కారు కొన్న ఉత్సాహంలో సొనాలీ బింద్రే

బాలీవుడ్ నటి సొనాలీ బింద్రే గుర్తుందా..? మన్మధుడు, మురారి సినిమాలను చూసిన వారు ఈ నటిని మర్చిపోరు. నూతన సంవత్సరానికి ఈ నటి మెర్సిడెజ్ బెంజ్ ఈ క్లాస్ కారుతో ఆహ్వానం పలకనుంది. ముంబైలో నటి సొనాలీకి కారును డెలివరీ చేసిన ఫొటోలను డీలర్ షిప్ సంస్థ ఆటో హ్యాంగర్ సామాజిక మాధ్యమంలో షేర్ చేయడంతో, ఈ విషయం వెలుగులోకి వచ్చింది.

సంపన్నులు ఎక్కువగా ఇష్టపడే కార్లలో మెర్సిడెజ్ బెంజ్ ఈ క్లాస్ కూడా ఒకటి. ఈ క్లాస్ లో బింద్రేకు డెలివరీ చేసిన వేరియంట్ ఏది అన్న దానిపై స్పష్టత లేదు. ఇందులో ఈ350డీ ఈ క్లాస్ వేరియంట్ అన్నది చాలా పాప్యులర్ మోడల్. మెర్సిడెజ్ కుటుంబంలో భాగంగా మారినందుకు నటి సొనాలి బింద్రేకు శుభాకాంక్షలు తెలియజేస్తూ డీలర్ సంస్థ ఆటో హ్యాంగర్ పేర్కొంది.