KTR: మంత్రి కేటీఆర్ మామగారు మృతి

  • నిన్న సాయంత్రం గుండెపోటుకు గురైన పాకాల హరినాథరావు
  • ఫలించని వైద్యుల ప్రయత్నాలు
  • భౌతికకాయానికి కేసీఆర్ నివాళి అర్పించే అవకాశం
KTR father in law passes away

తెలంగాణ మంత్రి కేటీఆర్ మామగారు (భార్య తండ్రి), ముఖ్యమంత్రి కేసీఆర్ వియ్యంకుడు పాకాల హరినాథరావు మృతి చెందారు. నిన్న రాత్రి ఆయన గుండెపోటుతో కన్నుమూశారు. నిన్న సాయంత్రం ఆయనకు గుండెపోటు రావడంతో కుటుంబ సభ్యులు హైదరాబాద్ గచ్చిబౌలిలోని ఏఐజీ ఆసుపత్రికి తరలించారు. ఆయనను బతికించడానికి వైద్యులు అన్ని విధాలా ప్రయత్నించినప్పటికీ ఫలితం లేకపోయింది. ఆరోగ్య పరిస్థితి విషమించి కన్నుమూశారు. ఆయన వయసు 72 సంవత్సరాలు. 

హరినాథరావు మృతి వార్తతో కేటీఆర్, ఆయన భార్య శైలిమ ఆసుపత్రికి వెళ్లారు. ఆయన పార్థివదేహాన్ని రాయదుర్గంలోని ఓరియన్ విల్లాస్ లో ఉన్న నివాసానికి తరలించారు. ఆయన భౌతిక కాయానికి కేసీఆర్ నివాళి అర్పించనున్నట్టు సమాచారం. ఆయన మృతి పట్ల బీఆర్ఎస్ శ్రేణులు సంతాపాన్ని ప్రకటిస్తున్నాయి.

More Telugu News