Samantha: యశోద ఓటీటీ విడుదల ఖరారు.. ఎప్పటి నుంచి చూడొచ్చంటే!

సమంత ప్రధాన పాత్రను పోషించిన చిత్రం 'యశోద'. గత నెల 11న ప్రేక్షకుల ముందుకు వచ్చింది. తెలుగు, హిందీ, తమిళ, కన్నడ, మలయాళ భాషల్లో తెరకెక్కిన ఈ సినిమా ప్రేక్షకులను మెప్పించింది. సరోగసీ (అద్దె గర్భం) కథాంశంతో రూపొందిన ఈ సినిమాలో సమంత తన నటనతో ఆకట్టుకుంది. చిత్రం మొత్తాన్ని తన భుజాలపై వేసుకొని నడిపించింది. 

ఇప్పుడు ఈ చిత్రం ఓటీటీలో కూడా సందడి చేయనుంది. యశోద ఓటీటీ విడుదల తేదీ ఖరారైంది. ఈ చిత్రం ఓటీటీ రైట్స్ ను అమెజాన్ ప్రైమ్ సొంతం చేసుకుంది. ఈనెల 9వ తేదీ నుంచి చిత్రాన్ని స్ట్రీమింగ్ చేస్తున్నట్టు అమెజాన్ ప్రకటించింది. అన్ని భాషల్లోనూ యశోద ఓటీటీలో అందుబాటులోకి రానుంది.