Ali: తన కుమార్తె వివాహానికి మెగాస్టార్ చిరంజీవిని ఆహ్వానించిన అలీ

ప్రముఖ సినీ కమెడియన్ అలీ, జుబేదా దంపతుల పెద్ద కుమార్తె ఫాతిమా త్వరలోనే ఓ ఇంటిదవుతోంది. ఇటీవలే డాక్టర్ పట్టా పుచ్చుకున్న ఫాతిమా వివాహం షెహనాజ్ తో నవంబరు 27న జరగనుంది. ఈ పెళ్లికి హైదరాబాదులోని అన్వయ కన్వెన్షన్స్ వేదికగా నిలవనుంది. 

కుమార్తె పరిణయం నేపథ్యంలో, అలీ దంపతులు అతిథులను ఆహ్వానించే పనిలో బిజీగా ఉన్నారు. ఇటీవల సీఎం జగన్ తదితరులను కలిసి శుభలేఖ అందించిన అలీ-జుబేదా తాజాగా మెగాస్టార్ చిరంజీవి నివాసానికి వెళ్లారు. తమ కుమార్తె వివాహ మహోత్సవానికి హాజరు కావాలంటూ చిరంజీవిని ఆహ్వానించారు. 

అలీ-జుబేదా దంపతులను చిరంజీవి తన నివాసంలో సాదరంగా ఆహ్వానించారు. వారిని ఆత్మీయంగా దగ్గరకు తీసుకుని తన వాత్సల్యాన్ని ప్రదర్శించారు. కుమార్తె పెళ్లి చేస్తున్న అలీకి శుభాకాంక్షలు తెలిపారు.