Infinix hot 20 5g: డ్యూయల్​ 5జీ, 50 ఎంపీ కెమెరాతో రూ.15 వేలకే ఇన్ఫినిక్స్​ హాట్​ 20 5జీ ఫోన్​.. ప్రత్యేకతలు ఇవిగో..

దేశంలో 5జీ సర్వీసులు ప్రారంభమైన నేపథ్యంలో ఇన్ఫినిక్స్ సంస్థ బడ్జెట్ ధరలో సరికొత్త 5జీ స్మార్ట్ ఫోన్ ను మార్కెట్లోకి తీసుకువచ్చింది. రెండు సిమ్ లు 5జీతో వాడుకునేందుకు వీలుగా, వేగంగా పనిచేసే ప్రాసెసర్ తో వచ్చిన ఈ ఫోన్ ను సుమారు రూ.15 వేల ధరతోనే విక్రయించనున్నారు. ర్యామ్, మెమరీ సామర్థ్యం ఆధారంగా ధరల్లో మార్పు ఉంటుందని కంపెనీ ప్రకటించింది.

ఇన్ఫినిక్స్ హాట్ 20 5జీ ఫోన్ ప్రత్యేకతలు ఇవి..

• 6.6 అంగుళాల ఫుల్ హెచ్ డీ ప్లస్ డిస్ ప్లేను ఈ ఫోన్ లో అందిస్తున్నారు. మంచి గేమింగ్, వ్యూయింగ్ అనుభూతి కోసం 120 నుంచి 240 హెర్ట్జ్ వరకు రీఫ్రెష్ రేటు ఉంటుంది. యూజర్లు కావాల్సిన రీఫ్రెష్ రేటును ఎంపిక చేసుకోవచ్చని కంపెనీ పేర్కొంది.
• వేగంగా చార్జింగ్ అయ్యేందుకు వీలుగా 18 వాట్ల ఫాస్ట్ చార్జింగ్ సదుపాయంతో 5,000 ఎంఏహెచ్ బ్యాటరీ అందుబాటులో ఉంది. సాధారణ వాడకానికి మూడు రోజుల వరకు చార్జింగ్ వస్తుందని కంపెనీ పేర్కొంది.
• ఈ ఫోన్ లో మీడియా టెక్ డైమన్సిటీ 810 ఆక్టా కోర్ ప్రాసెసర్ ను అమర్చారు. 4 జీబీ ర్యామ్ నుంచి 12 జీబీ ర్యామ్ వరకు వివిధ వేరియంట్లలో లభిస్తుంది. 
• ఆండ్రాయిడ్ 12 ఆధారంగా అభివృద్ధి చేసిన ఎక్స్ ఓఎస్ 10.6 ఆపరేటింగ్ సిస్టంను ఫోన్ లో లోడ్ చేశారు. రెండు సిమ్ స్లాట్లు కూడా 5జీని సపోర్ట్ చేస్తాయని కంపెనీ తెలిపింది.
• వెనుకవైపు 50 మెగాపిక్సెల్ సామర్థ్యమున్న మెయిన్ కెమెరా, 2 మెగాపిక్సెల్ డెప్త్ సెన్సర్ తో డ్యూయల్ కెమెరా సెటప్ ఇచ్చారు. ఎల్ఈడీ ఫ్లాష్ ఉంది. రాత్రిపూట తక్కువ వెలుతురులోనూ ఫొటోలు బాగా తీయగలిగేందుకు తోడ్పడేలా సూపర్ నైట్ మోడ్ ను పొందుపర్చారు.
• ముందువైపు వాటర్ డ్రాప్ స్టయిల్ లో 8 మెగాపిక్సెల్ సెల్ఫీ కెమెరా అందుబాటులో ఉంది.
• గేమ్స్ ఆడినప్పుడు ఫోన్ బాగా వేడెక్కకుండా ప్రత్యేకంగా ‘ఫేస్ చేంజ్ కూలింగ్ సిస్టం’ ఈ ఫోన్ లో ఉందని కంపెనీ పేర్కొంది.
• వైఫై సరిగా లేకున్నా, చాలా బలహీనంగా ఉన్నా ఆటోమేటిగ్గా మొబైల్ డేటాకు మారిపోయేలా ‘లింక్ ప్లస్ 1.0’ ఫీచర్ ను అందిస్తున్నట్టు వెల్లడించింది.
• ‘బ్లాస్టర్ గ్రీన్, రేసింగ్ బ్లాక్, స్పేస్ బ్లూ’ రంగుల్లో ఫోన్ అందుబాటులో ఉంది. అమెరికా మార్కెట్లో 4జీబీ ర్యామ్ 128 జీబీ మెమరీ మోడల్ ను 179.9 డాలర్లకు విక్రయిస్తున్నారు. అంటే మన కరెన్సీలో సుమారు రూ.15 వేలు మాత్రమే.