Team India: 'పొన్నియ‌న్ సెల్వ‌న్' పాత్ర‌లో అశ్విన్‌... చిత్రాన్ని మెచ్చుకుంటూ క్రికెట‌ర్ పోస్ట్‌

దిగ్గజ దర్శకుడు మణిరత్నం తెరకెక్కించిన పొన్నియన్ సెల్వన్ చిత్రం శుక్రవారం దేశవ్యాప్తంగా విడుదలైన సంగతి తెలిసిందే. భారీ తారాగణంతో తెరకెక్కిన ఈ చిత్రంపై మిశ్ర‌మ స్పంద‌న వినిపిస్తున్నా... వ‌సూళ్లు మాత్రం భారీగా ఉన్నాయి. ఈ సినిమాపై టీమిండియా క్రికెట‌ర్ ర‌విచంద్ర‌న్ అశ్విన్ శ‌నివారం సాయంత్రం ట్విట్ట‌ర్ వేదికగా వ‌రుస ట్వీట్లు పోస్ట్ చేశాడు. సినిమాను ఆకాశానికెత్తేసిన అశ్విన్‌... మ‌ణిర‌త్నం ఈ సినిమాను అద్భుతంగా తెర‌కెక్కించార‌ని కీర్తించాడు.

ప‌నిలో ప‌నిగా పొన్నియ‌న్ సెల్వ‌న్ సినిమాలో చాలా మంది ప్ర‌ముఖ న‌టులు ఉన్నార‌ని తెలిపిన అశ్విన్‌... మీ అభిమాన న‌టుడు ఎవ‌రు అంటూ ఓ ప్ర‌శ్న సంధించాడు. అంతేకాకుండా సినిమాలోని ఓ ప్ర‌ధాన పాత్ర వేష‌ధార‌ణ‌లో క‌నిపించి అంద‌రినీ ఆశ్చ‌ర్య‌ప‌రిచాడు. 19 సెక‌న్ల నిడివి ఉన్న ఈ వీడియోలో పొన్నియ‌న్ సెల్వ‌న్ న‌వ‌ల‌ను చ‌దువుతూ అశ్విన్ క‌నిపించాడు.