Shahrukh Khan: చెన్నైలో 'తలైవా'ను కలిసిన షారుఖ్ ఖాన్

బాలీవుడ్ సూపర్ స్టార్ షారుఖ్ ఖాన్ చెన్నైలో నేడు తలైవా రజనీకాంత్ ను కలిశారు. చెన్నైలోని ఓ సినీ స్టూడియో అందుకు వేదికగా నిలిచింది. రజనీకాంత్ ప్రస్తుతం తన 169వ చిత్రం 'జైలర్' షూటింగ్ లో పాల్గొంటున్నారు. ఈ చిత్రానికి సంబంధించి రజనీకాంత్, రమ్యకృష్ణ, తమన్నా, శివరాజ్ కుమార్ లపై కీలక సన్నివేశాలను చెన్నైలో చిత్రీకరిస్తున్నారు. ఈ సినిమాకు నెల్సన్ దిలీప్ కుమార్ దర్శకుడు. 

అదే సమయంలో బాలీవుడ్ అగ్రహీరో షారుఖ్ ఖాన్ నటిస్తున్న 'జవాన్' చిత్రం కూడా చెన్నైలోనే షూటింగ్ జరుపుకుంటోంది. అది కూడా రజనీ 'జైలర్' షూటింగ్ జరుగుతున్న స్టూడియోలోనే చిత్రీకరణ జరుపుకుంటోంది. 

ఈ రెండు చిత్రాల సెట్స్ పక్కపక్కనే ఉండడంతో రజనీకాంత్ ను షారుఖ్ మర్యాదపూర్వకంగా కలిశారు. ఇరువురు కాసేపు ముచ్చటించారు. తమ ప్రస్తుత సినిమాలు, కొత్త ప్రాజెక్టులపై చర్చించుకున్నారు. కాగా, షారుఖ్ నటిస్తున్న 'జవాన్' చిత్రం కోలీవుడ్ దర్శకుడు అట్లీ డైరెక్షన్ లో తెరకెక్కుతోంది.