పూణెలోని టీ స్టాల్​లో విజయ్​ దేవరకొండ సందడి!

విజ‌య్ దేవ‌ర‌కొండ, పూరి జగన్నాథ్ కాంబినేషన్లో వస్తున్న చిత్రం ‘లైగర్’. ప్యాన్ ఇండియా స్థాయిలో తెరకెక్కిన ఈ చిత్రంపై భారీ అంచనాలున్నాయి. విజయ్ సరసన బాలీవుడ్ యువ నటి అనన్యా పాండే హీరోయిన్ గా నటించింది. బాక్సింగ్ లెజెండ్ మైక్ టైసన్ ఓ కీలక పాత్ర పోషించారు. దాంతో, ఈ చిత్రం కోసం తెలుగు ప్రేక్షకులతో పాటు హిందీ జనాలు కూడా ఆసక్తిగా ఎదురు చూస్తున్నాడు. ఈ నెల 25వ తేదీన ఈ చిత్రం ప్రేక్షకుల ముందుకు రానుంది. హిందీ, తెలుగుతో పాటు పలు భాషల్లో విడుదలవనుంది.

మరోవైపు చిత్ర బృందం  ప్రమోషన్లలో జోరు పెంచింది. హీరో హీరోయిన్లు విజయ్, అనన్యా పాండే పలు ఈవెంట్లలో పాల్గొంటూ చిత్రాన్ని ప్రేక్షకులకు చేరువ చేసే ప్రయత్నంలో ఉన్నారు. ఈ మధ్యే  ముంబైలో ‘గాడ్ ఫాదర్’ సెట్లో మెగాస్టర్ చిరంజీవి, బాలీవుడ్ స్టార్ సల్మాన్ ఖాన్ ను చిత్ర బృందం కలిసింది.

ప్రస్తుతం హీరో విజయ్ పూణెలో ప్రమోషన్స్ లో పాల్గొంటున్నాడు. ఈ క్రమంలో పూణె సిటీలో ‘గ్రాడ్యుయేట్ చాయ్ వాలి’ పేరిట ఏర్పాటు చేసిన ఫేమస్ టీ స్టాల్ ను విజయ్ సందర్శించాడు. ఆ టీ స్టాల్ నిర్వాహకులతో ఫొటో దిగిన విజయ్ టీ రుచి చూశాడు. వాళ్లతో సెల్ఫీ తీసుకున్నడు. ఇందుకు సంబంధించిన ఫొటోలను చిత్ర నిర్మాణ సంస్థ  ‘పూరి కనెక్ట్స్’ ట్విట్టర్ లో షేర్ చేసింది.