ఛాతీ లోతు నీళ్లలో టీడీపీ ఎమ్మెల్యే నిమ్మల పర్యటన... వీడియో ఇదిగో
- వరద నీటి ముంపులో లంక గ్రామాలు
- కనకాయలంకలో రాత్రి బస చేసిన పాలకొల్లు ఎమ్మెల్యే
- ఆరుబయటే స్నానాధికాలు ముగించుకున్న వైనం
- వరద నీటిలో నడుచుకుంటూనే సాగిన టీడీపీ ఎమ్మెల్యే
పాలకొల్లు పరిధిలోని కనకాయలంకలో గురువారం రాత్రి బస చేసిన ఆయన... శుక్రవారం ఉదయం అక్కడే ఆరుబయటే స్నానాధికాలు ముగించుకుని వరద నీటిలోనే తన పర్యటనను ప్రారంభించారు. పలు ప్రాంతాల్లో నడుములోతు నీరు, కొన్ని ప్రాంతాల్లో ఛాతీ లోతు నీళ్లలోనూ ఆయన నడుచుకుంటూనే ముందుకు సాగారు.
ఈ సందర్భంగా వరద ముంపు బాధితులకు ప్యూరిఫైడ్ నీటిని అందించాలని, పిల్లలకు పాలు, బిస్కెట్లు, పెద్దలకు భోజనాలు సమయానికి అందించాలని ఆయన అధికారులకు ఆదేశాలు జారీ చేశారు. ఇక వరద ముంపును ప్రభుత్వం ఏమాత్రం పట్టించుకోవడం లేదంటూ... ఆకాశంలో జగన్- వరద లో జనం అంటూ ఓ కామెంట్ను తన వీడియోకు యాడ్ చేశారు.
