Telangana: నీటి ప్ర‌వాహానికి ఎదురుగా గాల్లోకి లేచి మ‌రీ జంప్ చేస్తున్న మ‌త్స్యరాజాలు... వీడియో పోస్ట్ స్మితా సభర్వాల్
- తెలంగాణ‌లో కురుస్తున్న భారీ వ‌ర్షాలు
- ప్రాజెక్టులు నిండి పొంగి పొరలుతున్న నీటి ప్ర‌వాహం
- పోచారం ప్రాజక్టులో క‌నిపించిన ఆస‌క్తిక‌ర దృశ్యం
నీటి ప్ర‌వాహానికి ఎదురుగా ఈదే చేప‌లను చూశాం గానీ... ఇలా నీటి ప్ర‌వాహానికి ఎదురుగా గాల్లోకి లేచి మ‌రీ జంప్ చేసే మ‌త్స్యరాజాల‌ను మాత్రం ఇప్ప‌టిదాకా మనం చూసి ఉండం. అలా నీటి ప్ర‌వాహానానికి ఎదురుగా గాల్లోకి అల్లంత ఎత్తున లేచి జంప్ చేస్తున్న చేప‌ల వీడియో ఒక‌టి ఇప్పుడు సోష‌ల్ మీడియాలోకి ఎంట్రీ ఇచ్చింది. ఈ వీడియోను తెలంగాణ ముఖ్య‌మంత్రి కార్యాల‌యం (సీఎంఓ)లో కార్య‌ద‌ర్శిగా ప‌నిచేస్తున్న ఐఏఎస్ అధికారిణి స్మితా సభర్వాల్ పోస్ట్ చేశారు.
ఇక ఈ వీడియోలో వున్న దృశ్యాలు మ‌రెక్క‌డివో కాదు.. తెలంగాణ‌లోనివే. బారీ వ‌ర్షాల నేప‌థ్యంలో రాష్ట్రంలోని అన్ని ప్రాజెక్టులు పొంగి పొరలుతున్న సంగ‌తి తెలిసిందే. ఇందులో భాగంగా పోచారం ప్రాజెక్టులోనూ నీటి ప్ర‌వాహం పొంగుతోంది. ప్రాజెక్టు పూర్తిగా నిండిన నేప‌థ్యంలో కిందికి నీరు ఎగ‌సిప‌డుతోంది. ఈ నీటి ప్ర‌వాహంలో కింద‌కు వెళ్లిపోతున్న చేప‌లు అలా కింద‌కు జారిపోతు కూడా గాల్లోకి లేచి మ‌రీ పైకి జంప్ చేస్తున్నాయి.
