Hasini: 'మనసంతా నువ్వే' సినిమా చైల్డ్ ఆర్టిస్ట్ సుహాని నిశ్చితార్థం!
- సుహాని ప్రస్తుత వయసు 31 సంవత్సరాలు
- మోడలింగ్ రంగంలో కూడా రాణించిన సుహాని
- విభర్ హసీజాతో సుహాని నిశ్చితార్థం
ఉదయ్ కిరణ్, రీమా సేన్ జంటగా నటించిన 'మనసంతా నువ్వే' సినిమా అప్పట్లో ఘన విజయాన్ని సాధించింది. ఈ చిత్రంలో చంద్రమోహన్, సునీల్, తను రాయ్ తదితరులు కీలక పాత్రలను పోషించారు. ఈ చిత్రంలో చైల్డ్ ఆర్టిస్ట్ గా నటించిన సుహాని ప్రేక్షకుల అభిమానాన్ని చూరగొంది. 31 ఏళ్ల సుహాని పలు చిత్రాల్లో నటించింది. మోడలింగ్ రంగంలో రాణించింది. ఇప్పుడు ఆమె పెళ్లి పీటలు ఎక్కబోతోంది.
మ్యుజీషియన్, మోటివేషనల్ స్పీకర్ విభర్ హసీజాతో ఆమె నిశ్చితార్థం జరిగింది. ఈ ఫొటోలు సోషల్ మీడియాలో వైరల్ అవుతున్నాయి. 'బాల రామాయణం' చిత్రంతో సుహాని సినీ పరిశ్రమలో అడుగుపెట్టింది. హీరోయిన్ గా నటించినప్పటికీ ఆమెకు తగినంత గుర్తింపు రాలేదు. ఎన్నో చిత్రాల్లో నటించినప్పటికీ ఆమెకు కావాల్సినంత సక్సెస్ రాలేదు. చివరి సారిగా 2010లో 'స్నేహగీతం' చిత్రంలో ఆమె నటించింది.
.
