టీ కాంగ్రెస్ సోష‌ల్ మీడియా సైన్యం ఇదేన‌ట‌!

మ‌ల్కాజిగిరీ ఎంపీ రేవంత్ రెడ్డి టీపీసీసీ అధ్య‌క్షుడిగా ప‌ద‌వీ బాధ్య‌త‌లు చేప‌ట్టిన త‌ర్వాత  టీ కాంగ్రెస్ సోష‌ల్ మీడియా చాలా యాక్టివ్‌గా మారిన సంగ‌తి తెలిసిందే. ఇటీవ‌ల పార్టీ అగ్ర నేత రాహుల్ గాంధీ తెలంగాణ ప‌ర్య‌ట‌న‌కు వ‌చ్చి వెళ్లిన త‌ర్వాత ఈ బృందం మ‌రింత యాక్టివ్ అయిపోయింది. ప్ర‌తి అంశం మీద క్ష‌ణ కాలం కూడా ఆల‌స్యం చేయ‌కుండా పార్టీ వైఖ‌రిని వెల్ల‌డిస్తూ సాగుతున్న ఈ బృందం చ‌ర్య‌ల‌తో పార్టీ శ్రేణుల్లోనూ కొత్త ఉత్సాహం క‌నిపిస్తోంది. 

సోమ‌వారం ట్విట్ట‌ర్ వేదిక‌గా టీ కాంగ్రెస్ కార్యాల‌యం గాంధీ భ‌వ‌న్ మెట్ల ముందు ఓ బృందం క‌నిపించింది. ఇదే టీ కాంగ్రెస్ సోష‌ల్ మీడియా బృంద‌మ‌ట‌. ఈ విష‌యాన్ని ఆ బృందం స‌భ్యుడు, ఫొటోలో ఉన్న న‌వీన్ అనే వ్య‌క్తి వెల్ల‌డించారు. ఆయ‌నే ఈ ఫొటోను విడుద‌ల చేశారు.